Page 47 - ARUBA BANK

Parlamentario Christiaans-Yarzagaragy a duna di conoce cu e condicionnan economico

actual den realidad, segun resultadonan, a baha un poco for di 100.3 pa 99.1 den e di 4

kwartaal di 2018, mientras cu e indice di expectativa di condicionnan economico a corto

plazo a registra un subida di 97.0 pa 99.7.

Percepcion di negoshinan na Aruba ta consisiti di diferente componente cu ta wordo

midi: bou di Condicionnan economico actual tin Condicionnan economico na Aruba,

Actividad di negoshi, Inversionnan di negoshi y Desaroyo den cantidad di empleo den

negoshi.

E parti di expectativa di condicionnan economico a corto plazo, cu a experencia un

subida for di 2.7%, tambe ta consisti di e mesun componentenan aki. Esaki, riba lineanan

grandi ta indica cu negoshinan na Aruba tin un bon percepcion di e desaroyo cu ta bay

bin, cu e Parlamentario ta considera alentador.

“Nos sa cu e pais tin hopi reto. Gobierno di Aruba ta enfrenta tur reto pa asina drecha e

situacion financiero y social pero alabes desaroya un economia pa asina tur negoshi por

tin miho share den esaki. Pero e simpel echo cu negoshinan ta pensa asina caba ta un bon

noticia y un bon atmosfera pa crea mas actividad economico na nos pais”, Parlamentario

Setty Christiaans-Yarzagaragy a conclui bisando.

https://24ora.com/setty-christiaans-yarzagaray-negoshinan-na-aruba-tin-poco-mas-confiansa-den-
ultimo-kwartaal-di-2018/