Page 43 - ARUBA BANK

Parlamentario Christiaans-Yarzagaragy ta indica cu Banco Central di Aruba, durante e
trimester a investiga e percepcion aki cu ta consisti di condicionnan economico actual y a
corto plazo di e situacion di negoshinan na Aruba.

E raport di CBA, segun Parlamentario Christiaans-Yarzagaragy a splica, ta indica cu e
percepcion di negoshinan a experencia un subida di 0.4% cu ta un subida modera. E
tabata na 99% y a subi na 99.4%.

E subida aki, en principio ta un indicacion cu e confiansa di e negoshinan na Aruba den e
di 4 kwartal di 2018 a mehora un poco y si negoshinan tin e pensamento aki, segun e
Parlamentario, esaki lo yuda stimula economia tambe siendo negoshinan e weso di lomba
di economia.

“Unabes cu e negoshinan tin percepcion positivo y bon miras riba locual ta bay bin, ta
duna un aire positivo p’e desaroyo di economia y p’e atmosfera economico esaki ta un
bon señal”, e Parlamentario a expresa.

Parlamentario Christiaans-Yarzagaragy a duna di conoce cu e condicionnan economico
actual den realidad, segun resultadonan, a baha un poco for di 100.3 pa 99.1 den e di 4
kwartal di 2018, mientras cu e indice di expectativa di condicionnan economico a corto
plazo a registra un subida di 97.0 pa 99.7.

Percepcion di negoshinan na Aruba ta consisiti di diferente componente cu ta wordo
midi: Bou di Condicionnan Economico actual tin Condicionnan Economico na Aruba,
Actividad di negoshi, Inversionnan di negoshi y Desaroyo den cantidad di empleo den
negoshi.

E parti di expectativa di condicionnan economico a corto plazo, cu a experencia un
subida for di 2.7%, tambe ta consisti di e mesun componentenan aki. Esaki, riba lineanan
grandi ta indica cu negoshinan na Aruba tin un bon percepcion di e desaroyo cu ta bay
bin, cu e Parlamentario ta considera alentador.

“Nos sa cu e pais tin hopi reto. Gobierno ta enfrenta tur reto p’asina drecha e situacion
financiero y social, pero alabes desaroya un economia p’asina tur negoshi por tin mihor
share den esaki.