Page 12 - AM181120

12 AWEMainta Diamars, 20 November 2018

Peaton alcansa memey di multitud

DIADOMINGO den careda di 10’or
di mainta, na momento cu Sinterklaas

ta drentando nos waf. Chauffeur di un

Hyundai Getz Berde riba L.G. Smith
Boulevard tabata bayendo cu velocid-

ad halto direccion pariba, na altura di
Bestuurskantoor, e ta dal un peaton na

momento cu e homber tabata crusando,

e impacto fuerte a laga e homber herida.
Mesora a pidi pa presencia di polis y am-

bulance cu urgencia.

Na yegada nan ta topa enberdad cu un
turista masculino herida, ela haya sla na

cabes. E impacto tabata basta fuerte cu e

homber a dal su cabes den e windshield
y a kibra esaki. Entre e glas kibra por a

mira cabey di e homber pega.
Despues cu personal di ambulance a

atende cu e victima na e sitio, nan a

transport’e cu urgencia pa hospital,
mientras polis a bay atende cu e chauf-

feur pa motibo cu e auto su papelnan no
tabata na ordo.

Auto a cay den buraco

DIADOMINGO den careda di 6’or y mey, un auto ta

cay den un buraco na Citgo Oranjestad. E chauffeur no
a ripara cu tabata tin un canal coba y a cay cu su auto

den dje.
Riba e tereno di Citgo Oranjestad tin for di algun dia

caba trabounan di renobacion andando.

E auto a cay den un canal cu a wordo coba y ta wordo

tapa cu plaachi di hero, pa asina autonan por a pasa

riba dje. E pionnan oranje ta pa indica unda no por pasa,
pero lamentabelmente un di e pionnan aki lo a wordo

movi prome cu a pone e plaachi hero, cu consecuencia

cu e chauffeur di e auto blanco aki a bay pasa net unda
no por a pasa e momento ey, cu ta net prome cu a tapa e

canal cu un plaachi hero.
E compania cu ta haciendo e trabounan aki di renoba-

cion a asumi tur responsabilidad pa locual a pasa cu e

chauffeur aki su auto.