Page 16 - AM181120
P. 16
16 AWEMainta Diamars, 20 November 2018
Purba tur y husga pa bo mes cua t’ e mihor!
Renaissance Aruba ta invitabo pa Bartenders’ Brawl 2018
DIA 24 di november proximo Renaissance Aruba lo ta anfitrion di
e di cuater edicion di Bartenders’ Brawl. Nuebe (9) di Aruba su bar-
tendernan cu mas curashi y creatividad lo enfrenta otro na Renais-
sance Festival Plaza dilanti di un publico grandi pa demostra nan su-
perioridad den mixologia. Bartendernan participante, cada un scoge
specialmente pa e evento aki lo ta den representacion di entre otro
Aruba Trading Company, Pepia Est. Wine & Spirits (Joost Wouda),
La Cava, Divino Wine & Spirits (Sander Jansen), Manrique Capriles
(Fitzgerald Arends) y Tropical Bottling Co. (Glen Kemp i Abraham
Urda). Nan lo traha un mescla original cu meta pa bira e bartender
mas popular di Aruba. Bishitantenan di e evento lo vota pa e cocktail
ganador- esun mas trendy, mas creativo y mas dushi lo gana e di 4
edicion di Bartenders’ Brawl y mesora bira e Iron Bartender!
Bishitantenan lo disfruta di un anochi chic riba Festival Plaza y natu-
ralmente lo ricibi diferente “bites” pa acompaña e cocktailnan cu ta
inclui den e carchi pa e evento. E “bites” nan prepara pa e team culi-
nario di Renaissance sigur lo complementa e cocktailnan durante di
e Bartenders Brawl. Carchinan di entrada ta obtenibel pa $55 y ta
inclui 9 cocktail y “bites”.
Pa e ultimo tres añanan e competencia entre e bartendernan partici-
pante ta tenaz; publico lo disfruta di un competencia estilo everyt-
ing goes. Renaissance Aruba, anfitrion di e Bartenders Brawl 2018 ta
invitabo pa cumpra bo carchi na e Navigator’s desk di Renaissance
Aruba of na e bali di De Palm Tours na tur hotel. Bishita e pagina di
facebook di Renaissance Aruba pa mas informacion.
