Page 77 - MIN JUS

Camara di Comercio: Laga Corte dicidi ken ta keda cu
Partido PDR

Tuesday, 31 January 2017 23:14
Comparti

Director di Camara di Comercio, Sonia Veldhuizen, a manda un carta pa Alonso Tromp, kende ta bisa
awo di ta Presidente di Partido Democracia Real

, den cual ta inform'e cu no por inscribi e cambionan di directiva di e organisacion politico. A conseha
ambos partido, tanto Andin Bikker como Alonso Tromp, pa bay Corte y laga un Hues dicidi riba legalidad
di e directivanan.

Cu e carta aki Alonso Tromp ta topa cu un reto legal cu e lo mester bay surpasa, si acaso e tin'e den serio
pa tuma e partido politico over. Ambos directiva lo mester presenta dilanti Hues pa asina e repasa e
statutonan y mira cua directiva a tene nan mes na reglanan di cas y cua di nan no a tene nan mes na e
statutonan.

Na radio a cuestiona integridad di Camara di Comercio, como cu Serge Mansur ta Tesorero di POR y
alabes ta den directiva di Camara di Comercio. Nos mes a informa cu el a tuma su retiro di KVK, net
despues cu el a yuda funda POR hunto cu Stephen Daal, Andin Bikker y Otmar Oduber. Asina mes den e
noticiero di radio ta cuestiona si KVK ta un partido neutraal den e discusion aki awor.

Di otro banda, no tin un miho organisacion pa sali di e impasse aki cu Corte. Ey cada partido lo haya di
tende con y unda nan ta para den e discusion aki riba ken tin derecho di maneha Partido Democracia
Real.