Page 81 - MIN JUS

Esnan di Douane ta bay plat si Airport no revoca e boothnan
di car rental den Douane Gebied

Tuesday, 31 January 2017 17:12
Comparti

Personal di Douane na Airport a haya sosten di nan coleganan di otro area pa un reunion diamars
mainta. Sindicato SADA a reuni cu e miembronan riba e situacion na Airport. Ta asina cu na Airport tin
cambionan unda e sala di yegada ta. E area unda ta coy maleta na yegada ta wordo considera Douane
Gebied.

Segun Douane nada otro por tuma lugar eynan. Mirando e caso existente cu cierto car rental pafor na
airport, gerencia di airport a cuminsa haci cambionan pa acomoda algun booth pa car rental paden.
Esaki a cay den mal tera pasobra segun Douane ta nan area di trabou. Nan area a bira mas chikito y nan
ta sinti tambe cu e area aki no mag laga otro cosnan sosode. Pa algun tempo caba nan ta vociferando
esaki pero e trabounan ta sigui. A scucha e reunion y e miembronan a duna luz berde pa e sindicato
cuminsa bay mas ley legalmente si mester. Ademas nan a dicidi cu si e siman aki no tin oido ta pone e
trabou plat na Airport na e momento mas druk. E menaza tey y nan ta cla pa hacie. Diamars atardi mes a
cuminsa mesora un reunion entre sindicato SADA y Gobierno riba e tema aki. E sindicato ultimamente ta
bringando e director basta pisa den diferente situacion. E director nobo no tine facil. Ironia ta cu e
mesun sindicato tabata boga den pasado pa Ricky Croes bira director pasobra e ta un candidato full
prepara. Pero awe por mira cu e ta wordo bringa formalmente dor di SADA mes ora e kier hiba su
maneho. Ta bon pa tende tambe di Airport ki tur lo bay sosode cu e situacion di e boothnan cu ta wordo
poni.