Page 78 - MIN JUS

Cooperacion di ASTEC tey y truck drivernan sa e procedura
pa pasa na e container scanner

Tuesday, 31 January 2017 17:34
Comparti

Ricky croes hefe di Douane tabata tin basta combersacion cu ASTEC. A bin cu un procedura cu
recien a wordo duna na e truckernan pa nan sa kico ta e proceduranan, kico lo pasa si acaso
Douane haya algo of detecta algo den e container, ki e trucker su trabao ta, con ASTEC ta duna
over y ASTEC ta duna cooperacion pa duna un luga pa e container wordo habri.

Un alivio

Croes a splica cu esaki sigur ta baha e presion. E containerscan lo bay haci e trabao cu un
douanero lo haci. Banda di baha e presion pa Douane mes, e lo ta un adelanto pa e mundo
comercial tambe. E comerciantenan en bes cu nan bay hiba nan container y sinta warda un dia
of dos dia pa nan por haya un Douanero pa habri e container, una bes cu e container wordo
detecta cu no tin nada den dje, e ta liber e ora di biaha. E comerciante por baha su container di
biaha e ora.

Cuanto hende

Tin un operator, un of dos beeldanalyst cu ta sinta wak e imagennan. Pero tin mas hende. Un
grupo grandi a haya e training di beeldanalyse, cu por zet in tambe. Un grupo di Douane
Recherche, un grupo di waf, etc. Ora nan cambia, tambe tin un trainer, pa asina sigui train e
hendenan pa reconoce e imagennan cu ta bin di e containerscan.

Tempo di bida

Croes a splica cu naturalmente, mescos cu un auto, cu un bon mantencion, por bay basta aña y
ta sigura cu e por bay suficiente aña cu por saca e inversion bek.