Page 40 - MIN JUS

AWEMainta Diahuebs, 9 Februari 2017 5

Ministerio Publico a confirma cu

Alex Mathew y

Ricardo Thomas cu

plan pa mata un

Huez na Aruba

VOCERO di Ministerio Publico, Ann Angels,
no kier a menciona nomber, pero si a confirma cu
Ministerio Publico a duna orden di detencion di dos
sospechoso, cu nos sa kendenan ta, esta Alex Mathew
y Rosendo Thomas, ya nan tin den mente un plan
pa asesina un Huez na Aruba.
E caso aki a hala atencion, debi cu como un luna pasa
Alex Mathew lo a manda un carta cu menasa pa un
Huez, pero awor el a dicidi di busca un sicario pa
haci e trabao, esta di mata un Huez.

Tur esaki, pasobra despues cu Alex Mathew a bin
bisa cu el a cumpra cas di e comerciante Hindu, Ash
Ramchandani (1963-2014), kende a fayece den un
accidente di auto, dos y mei aña pasa dilanti aero-
puerto, ora e kier a bay Miami. Pero Mathew no por
a prueba cu el a cumpra su cas, pero el a insisti cu el
a cumpra e cas.
Nunca e por a bin cu prueba y menos ainda un of
otro transferencia di banco.

Alex Mathew a dicidi di busca su derecho den Corte,
pero a perde e caso hudicial aki. Logico cu Alex
Mathew no a keda contento y a manda un carta
menasante p’e Huez cu a atende e caso.
Awor cu e t’afo, a dicidi di traha un plan pa mata
dicho Huez como forma di venganza di a perde e
caso hudicial, y mas ainda a perde su placa, cu e no
por demostra di a paga p’e cas.

Servicio di Inteligencia di Polis a sigui e caso aki, y
a pidi pa Polis duna proteccion n’e Huez y su famia.
Alex Mathew a haya Ricardo Thomas, dispuesto pa
cumpli cu su plan y a percura pa haya un arma di
candela p’e colega di prison y lo pague bon placa pa
ehecuta e plan.
Pero debi na Servicio di Inteligencia a avisa Minis-
terio Publico, y prome cu e plan aki keda ehecuta a
dicidi di duna orden di detencion di dos personanan
aki, loke cu mientrastanto a tuma lugar.

Ambos sospechoso ta ser considera, personanan
sumamente peligroso y mester bisa cu ta prome biaha
cu ta tende di un plan pa mata un Huez na Aruba.
Vocero di Ministerio Publico, Ann Angela a confirma
e noticia aki, sin menciona nomber di esnan envolvi,
tampoco di e Huez.