Page 41 - MIN JUS

6 AWEMainta Diahuebs, 9 Februari 2017

Parlamentario mr. Xiomara Maduro:

Pueblo ta stik den

criminalidad y

Minister Eman ta

conta paharito

“NOS pueblo ta pasando den duro. Practica-
mente tur dia tin atraco na nos pais. Tur hende
tin miedo, riba caya y hasta den nan propio cas.
Criminalidad ta creciente y a bay totalmente for
di man. Pueblo literal- y figurativamente ta stik
den criminalidad, ya cu ni porta of bentana di
cas nan ta durf di habri mas pa e miedo di wordo
atraca”, Parlamentario mr. Xiomara Maduro a
splica.

“Na un momento di desespero asina un pueblo ta
spera compacion y accion di su Gobernantenan.
Pueblo ta spera di mira y scucha su Prome Minister
(PM) mustra su convivencia y bin dilanti brinda
e palabra di aliento y mustra pueblo e trabounan
duro cu ta wordo haci pa nos pais por bolbe bek na
e trankilidad cu semper nos a conta cu ne. Pero na
Aruba nada no ta normal mas.
En bes cu PM Eman duna pueblo cara, e mandatario
a biaha bay Colombia pa conta paharito.
Un falta di respet grandi na e pueblo y specialmente
na esnan cu a pone eynan”, e Parlamentario a mus-
tra.

“E acto di PM Eman ta prueba cu e mandatario aki
no ta interesa den e bon gobernacion na beneficio
di e pueblo aki. Minister Eman kier djis haci show
pa por keda na poder.
Tur cos tin mas prioridad cu e bienestar di nos
pueblo, e biaha aki ta conta paharito na Colombia
tabatin mas prioridad pa PM Eman. Y nos pueblo ta
keda stik den criminalidad”, Parlamentario Maduro
a continua bisando.
“P’esey pueblo harbi wowo y mente, un PM cu ta
conta paharito na Colombia y laga su pueblo atras ta
stik den miedo pa criminalidad creciente, no merece
ta na cabes di e pais aki.

E aña aki laga nos ban percura pa normalidad bin
bek den gobernacion y ban manda Minister Eman
cas pa e por sigui conta paharito na smaak riba su
propio gasto y no abusando di fondo publico schaars
di e pais aki”, asina Parlamentario mr. Xiomara
Maduro a expresa.