Page 25 - HOH

Tur aña tin un campaña, mescos cu e aña aki unda DVG ta duna diferente tips na
comunidad di kico mester haci pa preveni di haya un malesa y tambe pa yuda tene e
cantidad di criaderonan abao, Croes a indica.

E campaña su lema ta ‘proteha bo mes y bo famia contra e malesanan transmiti pa
sangura’. E tipsnan ta pa tira afo tur awa para pafo y paden di e cas. Esaki ta algo cu
tur aña ta wordo ripiti pa asina comunidad bay haci un inspeccion paden y rond di e cas
pa awa si tin awa para.

Hopi biaha tin awa cu ta para bao di e laba plato, tambe tin vasnan cu mata cu tin awa
cu mester cambia tur dia. Purba di uza screen na porta y bentana. Uza repelente contra
sangura. Bisti preferibelmente paña color cla, manda y pia largo. Mester corda cu e

sanguranan ta mas activo parti atardi y anochi, Jurette Croes a señala.

Awa di uzo domestico mester wordo cuida y proteha cu un screen. Na Gele Koorts
Muskieten Betrijding por haya pisca chikito pa tira den e awa pa asina e awa no bira un

criadero di sangura, a agrega.

Si bo tin keintura, evita pa wordo pica pa sangura. Den e caso di Zika, Dengue y
Chikunguyna keintura ta un di e sintomanan cu ta presenta na tur tres. Pesey ta

conseha pa ora di keintura proteha bo mes di wordo pica pa un sangura y asina evita cu
mas hende ta wordo contagia pa un malesa transmiti pa sangura, Jurette Croes a
manifesta.

E campaña nobo ta cuminza na Juli, door cu e temporada di horcan ta di juni te
november. E ta un campaña masivo pasobra kier evita cualkier epidemia di cualkier
malesa transmiti door di sangura, e vocero di DVG a subraya.

DVG lo ta activo cu nan publicacionnan ariba social media y den medionan di
comunicacion, tambe un flyer lo bay tur cas na Aruba y ta pidi comunidad pa tuma bon
nota di dje.

https://www.diario.aw/2019/06/departamento-di-salud-ta-bay-inicia-campana-contra-criadero-di-
sangura/