Page 26 - HOH

Hospital ta un bom den explota

12 June, 2019

For di fuentenan fidedigno nos redaccion a ricibi informacion cu e situacion na
Radiologia den Dr. Horacio Oduber Hospital no ta manera a ser treci den prensa
recientemente pa loke ta e situacion di holo di diesel y contaminacion di e
departamento di Radiologia.
E asunto di leakmento y e holo di diesel keto bay ta un problema pa salud di e
trahadonan y pashent di e instituto, particularmente e departamento di
radiologia y incluso pashent nan di hospital.
Hopi trahadonan a bira malo pa motibo di e holo di diesel cu ainda ta reina den
e edificio.
Nos media a purba di haya contacto na varios ocasion cu un persona den e
instituto pero sin resultado. For di e mesun fuentenan aki nos redaccion a bin
compronde cu di ‘ariba’ a bini ordo pa niun hende suministra informacion na
tercera. En caso esaki sosode lo nifica retiro de inmediato. P’esey nos redaccion
no por haya niun persona na linea pa papia riba e situacion di leak y holo di
diesel. Tin trahadonan cu no ta doblega pa e intimidacion di parti di gerencia y a
informa nos media pa asina pueblo sa cu e situacion no ta manera e ta wordo