Page 27 - HOH

pinta. Tin rapport di por ehempel TNO cu ta indica cu tin cos nan cu no ta klop.
A menciona cu tin ‘schadelijke stoffen’ den e edificio di hospital. Gerencia a basa
su mes riba un parti di ‘conclusie” cu ta mustra cu cos nan ta binnen de norm.
Despues cu Baptist a duna sierto aanwijzing y a cu haci coreccion, TNO a haci
un investigacion y traha un rapport.
Tambe nos a keda informa cu tin un guera friu entre ‘gerencia’ y SOGA. Un ora
nan ta bon cu otro y otro ora ‘gerencia’ ta den pleito cu SOGA. Hospital
aparentemente kier pa SOGA tuma e departamento di Technische Dients over
pero SOGA no ta interesa pa maneha e departamento aki. Esaki lo nifica cu e
trahado nan di e departamento aki lo perde nan trabao si SOGA no tuma e
dienst aki over. Trahado nan di e departamento aki ta den un incertidumbre pa
loke ta nan futuro na e instituto medico Dr. Horacio Oduber.
E CAO di e trahado nan tambe ta otro situacion cu ta pega y no ta saliendo for
di dje. Trahado nan ta wordo intimida pero tin miedo di papia pa nan no perde
nan trabao. Asina mes e trahado nan aki a indica cu nan si no ta doblega pa e
intimidacion di parti di gerencia. Na ta pendiente kico Minister di salubridad ta
bay haci relaciona cu e situacion na hospital. Nos redaccion a compronde cu e
minister ta na haltura di e situacion pero no a actua ainda al respecto.
Recientemente tabatin diferente biaha cu coriente a bay pa ora nan largo y a
ocasiona cu hopi material steriel a wordo afecta y esaki nan no a wordo
‘raporta’ y probablemente wordo uza den sala di operacion cu tur consecuencia
cu esaki por tin pa tanto pashent como persona di OK. Ta di compronde cu ta
trata aki di suma nan grandi na material cu lo a haya humedad den nan ora cu
coriente bay pasobra nan mester keda riba cierto temperatura y haci cu nan no
ta steriel mas, pero loke e fuente nan aki no ta haya husto ta cu e pueblo
pagado di AZV no ta haya e informacion aki for di e instituto. Nos redaccion lo
ta pendiente pa haya mas informacion for di parti di gerencia di hospital riba e
situacion aki den hospital. Esaki na beneficio di tanto e trahadonan como e
pashent nan di e instituto.

Nota di redaccion: For di e mesun Fuente nan aki nos a compronde cu tin
hincamento di persona nan yega na ‘gerencia’ cu no ta opgeleid of tin
cualificacion, ta haya trabao den hospital mientras esunnan cu si tin e
cualificacion y preparacion no ta haya trabao den e instituto.

https://masnoticia.com/hospital-ta-un-bom-den-explota