Page 32 - MIN VOS
P. 32
28 AWEMainta Dialuna, 28 November 2016
Pueblo di Aruba a sostene Brazil Taekwondo Stichting
cu e benta di nan Calender 2017 na Santa Cruz
DIASABRA mainta, trempan e team di Brazil Taekwon-
do Stichting a baha na Valero Santa Cruz, dilanti Top FM
y na e negoshinan den cercania cu e meta pa bende nan
Calender 2017 pa e biahe pa Korea na aña 2017.
Brazil Taekwondo Stichting ta hopi gradici cu e pueblo di
Aruba cu a duna nan sosten cumprando un calender sea
pa nan cas, negoshi of djis pa yuda.
Hopi di e comentarionan tabata pa e bunita potretnan, pa
e bunita lugarnan di Aruba y pasobra e calender ta hopi
colorido. Hopi a bisa cu nan ta yuda deporte y asta algun
a comenta cu semper nan ta sostene Brazil Taekwondo
Stichting, pasobra unda cu nan biaha nan ta trece premio
Aruba.
Diasabra tabata un dia unda cu e awasero a cay, pero esaki
no a stroba ni tampoco a stop e hendenan di subi caya y
haci nan compras y tambe contribui cumprando calender,
manera varios empresarionan den nos comunidad.
Brazil Taekwondo Stichting ta contento di por a mira otro
deportistanan cumprando un calender di Brazil Taekwondo
Stichting. Un pueblo digno y cu curason pa deporte. Ainda
e benta di calender no a caba, pasobra ainda tin algun 100
calender pa bende.
Nos deadline pa bende tur e calendernan ta dia 28 di
december 2016 pa asina nos por cuminsa prepara e biahe
pa tur esnan cu a cumpli cu e benta di 300 calender of cu
ta bay pone e diferencia di placa. Te ainda no ta confirma
unda nos ta bay para e weekend aki nos dilanti.