Page 46 - VOS DEC 16

AWEMainta Diabierna, 16 December 2016 17

Di acuerdo cu Minister dr. Alex Schwengle:

Clinica duna pa Frank Rijkaard ta eleva nos nivel di futbol

FRANK Rijkaard, e famoso futbolista y entrenador Hulandes ta-
bata na Aruba y a probecha su bishita p’e por a duna un clinica n’e
futbolistanan di Aruba.
E hecho cu awor LIFIDA ta resorta bao di Arubaane Voetbal Bond
(AVB) ta pone cu regularmente mester haci esfuerso pa ofrece guia
n’e entrenadornan y n’e futbolistanan mes.

“E intencion ta pa AVB organisa mas di e tipo di clinicanan aki cu
e tipo di personalidadnan manera Rijkaard, p’asina e muchanan por
haya mas animo, pa nan por haya mas empuhe pa nan por sigui den
futbol”, asina Richard Dijkhoff, Presidente di AVB a duna di conoce.

Esaki ta demostra e caminda cu AVB kier cana pa crece y desaroya
futbol na Aruba. E clinica a tuma lugar dianan 7 y 8 di december
na Centro Deportivo Frans Figaroa.
Banda di esaki, Minister di Salud y Deporte dr. Alex Schwengle a
duna di conoce cu mirando cu Frank Rijkaard tabata un futbolista
hopi popular, a dicidi di organisa e clinica aki p’e muchanan. “Esaki
tin di haber cu nos empeño pa stimula calidad, unda cu nos kier pa
un club tin un cierto exito, pero e clubnan tin un bida largo”.

AVB su tarea ta pa hiba un maneho mas duradero p’e mundo di
futbol aki na Aruba, mirando cu futbol ta te ainda e deporte di mas
grandi.
E sosten di Gobierno hunto cu Subsidie Commissie lo ta pa percura
pa no solamente pa Arubaanse Voetbal Bond, pero pa tur bond traha
mas eficiente posibel, e mandatario a subraya.
El a sigui bisa cu e bondnan mester haci bon uzo di e fondonan cu
tin como tambe di e recursonan humano.
Pa cu e ultimo aki mester di educacion. Pesey ta organisa e clinicanan
aki pa hiba e nivel di nos futbol un tiki mas halto, el a remarca.