Page 42 - ARUBA BANK

Lider Di Oposicion Mr Mike Eman: Premier Wever-

Croes Mester Renuncia Parlamento Y Conseho Di

Reino Engaña Den Forma Impertinente

 Local
- 23/09/2019

Premier Wever-Croes (MEP) na un manera inaceptabel a viola e regla di confiansa
(vertrouwensregel) cu tin entre un Parlamento y un Gobierno dor di troce e berdad na
forma intolerabel pa Staten di Aruba y Conseho di Reino. No solamente e principionan di
democracia, pero tambe esnan di un estado di derecho ta wordo debilita, lider di AVP
Mike Eman ta señala.

Den nos Staatsregeling ta poni explicitamente cu Gobierno ta ratifica decretonan
gubernamental despues di haya aprobacion di Staten of riba peticion di Staten. E ultimo
aki ta ora Parlamento ta amenda un decreto gubernamental.

Literatura di renombre riba tereno di derecho estatal ta splica cu un Minister ta liber pa
tin problema cu cierto amienda. Pero, ora un amienda ta bira inaceptabel pa un Minister y
asina mes e keda aproba den Parlamento, esaki ta conduci na un conflicto entre
Parlamento y e Minister. E regla di confiansa ta den problema.

E Minister en cuestion – of si ta mas Minister – henter e Gabinete mester baha.