Page 63 - AHATA

Prome Minister Wever Croes: No Tin Ningun Acuerdo

Cu Aruba Airlines Ainda

 Featured
- 16/07/2019

Prome Minister Wever Croes den conferencia di prensa dialuna a bisa di no tin ningun
acuerdo cu Aruba Airlines pa habri frontera. Hasta si yega na un acuerdo, e ta bay ta algo
solamente pa buelonan di transito.

El a enfatisa cu e frontera ta keda cera. Ta trahando si riba un peticion cu a wordo haci
dor di Aruba Airlines pa yega na un tipo di excepcion. No a duna e excepcion, pero ta
trahando riba dje.

E aerolinea haci un peticion na Gobierno p’e haci buelonan di transito di Venezuela pa
Merca, via di Aruba. Si esaki por tuma lugar, e lo mehora e situacion di e compania y
tambe p’e casi 200 personanan cu ta traha cu e empresa aki.

“Nos ta papiando aki puramente di buelonan di transito di Venezuela pa Merca, via di
Aruba. E pasaheronan, si nos bay di acuerdo cu esaki, cu haci uso di e oportunidad aki
por pasa Aruba solamente di transito (di Venezuela pa Merca). Pero nan no por keda
Aruba.

Solamente esnan cu tin visa cu por drenta Merca, lo wordo permiti pa subi avion na
Venezuela.”