Page 66 - AHATA

ORANJESTAD (AAN): Capitan di un Remolcador Offshore ancra pazuid di Aruba, a haci
algo cu por tin percusion pe internacionalmente.

E Remolcador aki ta meti den un combate legal. Y pa colmo apenas den fin di siman un
beslag a wordo impone riba dje, di forma cu e no mag di bandona awa teritorial di
Aruba.

Pero toch e Capitan a dicidi na haci algo cu ta ilegal den mundo maritimo. No obstante
cu tabatin un caso sumario siman pasa, y cu beslag a wordo poni riba dje, den oranan
di Diadomingo anochi pa Dialuna mainta, el a lanta anker, start propellernan, y asina
huy di aki banda.

COMPANIA DI EGIPTO:

E Remolcador Offshore ta nabega bao bandera di Panama, y su nomber oficial ta
“Maridive 702”. E ta wordo usa pa e.o. suministra material y articulo pa otro barconan
riba lama grandi. El a wordo construi na aña 2011 y ta pertenece na e holding
company Maridive Group cu tin su sede na Port Said na Egipto.

Siman pasa den un caso sumario den Corte na Aruba, Hues a duna OK na tres diferente
compania pa pone beslag riba e barco “Maridive 702”. Tin indicacion cu companianan