Page 64 - AHATA

E hendenan lo wordo pidi pa firma un tipo di declaracion cu nan no ta bay pidi asilo na
Aruba.

E mandatario a bisa cu si bay di acuerdo cu e peticion, e lo funcion como un periodo di
prueba pa mira con e ta funciona. Si e bay bon, por evalua un otro periodo di prueba.

E aerolinea a bisa cu si nan no haya ayudo, nan por confronta problema financiero.

“Laga nos ta hopi cla si. Ningun aerolinea cu ta bula riba Venezuela por conta riba e ruta
aki p’e por ta algo viabel, pasobra ta varios compania local y otronan tabata bula e ruta
aki den bon tempo, cu frontera habri, y asina mes a bay bancarota pa motibo cu no ta
haya e placa cu mester ricibi di Venezuela”.

P’esey ta evaluando riba un excepcion pa un periodo di prueba.

A informa INAC tambe cu ta trata di un buelo di transito, y cu ta un excepcion. No por
tuma esaki como maneho di reciprocidad, cu mester duna un aerolinea di Venezuela
tambe pa haci e mesun buelo.

E mandatario a reuni cu diferente instancia pa mira con por bay di acuerdo cu e peticion,
sin cu hendenan ta keda atras y sin habri frontera. Ta poniendo tur cos den balansa.

E mandatario a bisa cu tabatin varios corespondencia entre Aruba Airlines y Gobierno cu
a bin ta tumando lugar. Tin un carta cu ta circula, cu ta wordo investiga pasobra e ta algo
cu nan no sa di dje.