Page 99 - MIN JUS

Un uitzendbureau por run legalmente si e tin un
uitzendvergunning

Thursday, 25 May 2017 14:32
Comparti

Departamento di Labor a manda na tur medio di comunicacion un comunicado di prensa riba Uitzending. Director
di departamento di labor, Nick Kock, a splica cortico dicon a yega pa manda e comunicado aki den prensa. Toch ta
haya cu tin confusion den pueblo riba e parti di uitzending.

Entrante 1 di April, 2013, e Landsverordening ter beschikking stelling arbeidskrachten, cu ta ley cu ta regla
funcionamento di uitzendbureaus, y tambe ta duna proteccion na uitzendkrachten, a bin na vigor. Door cu e ley aki a
bin na vigor, e tabata tin consecuencia pa nos mercado laboral. Pasobra e ley aki ta stipula cu pa bo por run un
uitzendbureau legalmente, bo mester tin un uitzendvergunning di Gobierno. Den practica ta departamento di labor
ta dun’e den nomber di minister di labor, pero importante ta cu pa por run un uitzendbureau legalmente, bo mester
di uitzendvergunning.

Trabao

Un uitzendbureau ta un persona of instancia cu su trabao ta ofrece manpower na tercera companianan cu mester di
dje, den forma rapido. Por ehempel un Setar of un Elmar, nan mester di un administratieve kracht, e momento ey,
nan ta bel e ora nan uitzendbureau cu nan tin un acuerdo cun’e pa asina manda un persona pa nan den cierto
funcion. E uitzendbureau ta bay wak den su sistema y ta manda e persona rapidamente. E ta un trabao flexibel,
rapido, pero importante di uitzendbureau, ta cu e ta un trabao di corto duracion, of e duracion di e uitzending no ta
sigur. E ta un relacion laboral flexibel. Door di esey, door cu e ta un relacion laboral flexibel cu bo no ta sigur con
hopi e por dura, den uitzendvergunning cu Gobierno ta duna e uitzendbureaunan, un di e condicionnan di e
uitzendvergunning ta cu e uitzendbureau no mag zend uit stranheronan cu ta riba permiso di Dimas.

Dicon

Pasobra un stranhero cu ta bin Aruba riba un permiso di Dimas, ta bin pa traha, pa motibonan economico. E ora
como pais bo no por permiti cu un hende cu ta bin aki, un pais cu e no conoce drechi, pa bin traha y haya su entrada,
bo no por permiti cu e ta traha a base di un uitzendovereenkomst. Un uitzendovereenkomst, ta juist pa un tipo di
trabao cu bo no sa con hopi e ta dura. Cu stranhero no por permiti esey. Un stranhero cu bin Aruba bin traha, mester
ta a base di un contrato laboral, e mester tin garantia di sueldo, garantia di trabao. Si e ta cobra tur kincena, ta tur
kincena e mester cobra. Si ta pa luna, tur luna e mester wordo paga.

E funcion cu un stranhero ta ocupa, mester ta cuadra cu e metanan di e compania tin poni den Camara di Comercio.
No por ta posibel cu tin un compania di construccion y bo tin den bo funcionnan cu bo ta bay pidi permiso pe, ta
waiter. Un waiter, cu ta un hende cu ta traha den e sector di Horeca, no ta cuadra cu e meta di un compania di
construccion cu ta traha cas. Cosnan ey no ta posibel. E condicion poni den uitzendvergunning cu un trahado
stranhero no por wordo manda, ta pa proteccion di e stranhero mes. E maneho di Gobierno ta riba tereno di permiso
di stranhero, ta cu e persona aki mester tin garantia en todo caso di sueldo, pa duracion di su permiso di trabao.
Normalmente permiso di trabao ta un aña, despues ta wak si por haya prolongacion of no. Durante periodo cu e ta
trahando, e mester tin su sueldo paga na tur momento. Mientras tanto cu uitzendbureau, no ta sigur, pasobra bo por
wordo uitgezonden un paar di dia, algun siman, algun luna y e cuenta ta caba. Despues normalmente bo tin cu warda
un tempo atrobe, pa wak si nan ta haya trabao pabo, despues pa bolbe mandabo. Uitzending ta insigur pa loke ta e