Page 60 - MIN VOS

AWEMainta Diamars, 18 April 2017 23

HAC, hala hubenil di partido berde AVP

A organisa un Eagle Beach Bash Ambiente

cu tabata pa kita sombre p’e

E hala hubenil di partido AVP, HAC ( Hubentd Activo y
Consciente) a organisa un tremendo evento riba Eagle Beach
cu tabata encera tur clase di deporte.

E rancamento di cabuya tabata masha popular cu retonan ken
tin mas den dj’e pa gana.
E wega di domino a sigui te den oranan lat y claro cu no tabata
falta e dushi BBQ cu for di tempran tabata wordo bendi na
bon prijs. Tabatin un constante bay bin di hende.
Dj’nan local a deleita e publico for di tempran mientras cu e
musica cayente di tanto Perfect Sound como Tsunami a pone
un tremendo ambiente.

E solo tabata kima fuerte, pero esey no a stroba votadornan
di e partido berde pa gosa te mas cu un tin. Lider di partido
Mike Eman tabata den e accion di sticker ey dilanti y demas
coleganan tabata presente riba beach pa yuda e hobennan cu
un dia lo mester tuma rienda di partido.

Chris Vrolijk di Perfect Sound a enfatisa cu e ambiente ta
fantastico: “Nos ta cla pa awenochi. E musica di nos ta uno
yena cu variacion.”

Arthur Dowers mescos cu Benny Sevinger, Rene Herde, Lorna
Varlack, Melvin Tromp, Norman Roos, Marlon Sneek, De-
siree Croes, Alex Schwengle y varios candidato mas tabata
den e ambiente cayente. Tin a para tras di grill, otro a bende,
a combersa y a pasa bon te di mas.

Lorna Varlack a comenta, “E BBQ ta suculento. Ora bo caba
di come, bo ta lembe bo dedenan, asina bon e ta.”
Arthur Dowers, kende di tempran tabata para tras di grill a
bisa cu ya e ta poniendo e ultimo carni riba grill, asina lihe e
cuminda a bay.

“E spare ribs cu bo ta haya aki ta di top quality. Otro siman
nos ta na Cas di Partido Dakota unda nos ta bay all out. Wak
pa bo t’ey”, el a bisa.
Den un skina por a mira Marlon Sneek ta saborea su spare
ribs y di biaha el a invita tur hende pa yega riba Eagle Beach.

Rene ‘Baba’ Herde tabata yuda su colega y amigo Sevinger tras
di grill y tabatin solamente palabranan di elogio pa e dushi
cuminda y e ambiente cu berde so ta pone.
Benny Sevinger trahando duro a bisa cu e y su team ta bayendo
pa e ultimo ‘rondje’ ya cu cuminda ta cabando.
“Mi stand so a bende mas di 150 BBQ caba. Nos a wordo
proclama campeon di e miho cuminda awe tardi, esey ta segun
hende ta comenta”, segun Sevinger.

Norman Roos ta otro candidato di partido cu tabata bende
BBQ bay goal.
“Hendenan ta entusiasma, benta ta bay bon y e ambiente ta
dushi.” E motor berde a start. No tin nada pa par’e te dia 22
di september. Bula aden, berd’e ta!