Page 6 - AHATA
P. 6
26 AWEMainta Diaranson, 15 Maart 2017
Aruba Marriott CARE Foundation ta bay den comunidad cu accionnan
di limpiesa cu cooperacion di Aruba Hotel & Tourism Association
RECIENTEMENTE e propiedadnan di Aruba Marriott,
bao di capa di Aruba Marriott CARE Foundation y Spirit to
Serve a pone man na obra na e dam di Seroe Janchi.
Supervisor den e departamento di recursonan humano ya
alabes secretaria di Marriott CARE Foundation, Tamara
Fingal, ta splica cu for di aña pasa ora cu e hotel a dicidi di
sigui e sugerencia di AHATA nan a bay wak e dam aki, pero
awacero continuo a causa cu nan tuma e decision pa warda
un poco cu e trabao.
E luga tabata hopi sushi, pero Aruba Marriott, hunto cu
AHATA ta contento di por a sirbi comunidad di Aruba, y
duna bek na residentenan di nos isla cu nan trabao y esfuer-
sonan.
Tin hopi otro bario cu tin luganan di atencion manera e dam
aki, y AHATA lo sigui motiva y sostene su miembronan cu ta
desea di duna di nan parti pa haci e areanan limpi siguiendo
cu e practica di Sponsor a Mile cu hopi miembro di asociacion
ta practica pa hopi aña.
Aruba Marriott ta sigur rib’e lista pa sigui cu e accionnan aki.
Fingal ta splica cu di nan parti, rib’e beach dilanti nan hotel-
nan, Marriott Aruba Surf Club un biaha pa luna ta haci ful
e area dilanti di e propiedadnan limpi, y tur dia ta percura
pa mantene e beach bon limpi.
Ademas di limpiesa, Aruba Marriott CARE Foundation ta
brinda asistencia na personanan y organisacionnan den nan
comunidad. Nan ta yuda verf y renoba sedenan di organ-
isacionnan, y ta hasta haci gestonan special. Un di e ehemp-
elnan di e gestonan aki ta e treat di cupcake cu ponche crema
cu nan a organisa recientemente na e casnan di hende grandi
cu ta resorta bao di SABA pa Dia di San Valentin.
Si tur hende traha hunto como un famia, Aruba lo ta bunita,
y tur hende lo biba mas uni tambe cu otro, segun Fingal.
El a splica cu union tambe ta wordo stimula cu accionnan
di limpiesa comunitario, sea ta entre empleadonan di un
negoshi, of un bario, ora cu hendenan ta sali hunto, y uni
ta percura pa mantene nan luganan di biba y recrea limpi.
