Page 7 - AAA_Neat
P. 7
No mester core prepara pasobra tur hende lo wordo alerta na
tempo ora tin menaza pa horcan
Friday, 02 June 2017 09:59
Comparti
No ta cuestion cu mester ta prepara na cas awo pasobra temporada di horcan a cuminsa for di prome di
Juni. Ta cuestion cu bo ta wordo alerta delanta pa bo cuminsa bisa cu awo ta momento cu ta bon pa bo
tin tur cos in place.
Segun Rino Hermans pa pone den dos fase pa comunidad, e departamentonan di gobierno tin mas fase
cu tin cu tene cuenta cun'e. Pa comunidad tin e parti di alerta, cu ta bisa pa tene cuenta cu tin un sistema
cu por bay afecta nos isla y tin e parti di alarma. Semper semper ta alerta cu tin un sistema. Esey kiermen
pa sigui noticia, sigui conseho. Eynan prensa ta duna e man pa sigui informa e pueblo con leu e alerta ta.
Ora cu cambia pa alarma, automaticamente ta bay tin un rueda di prensa cu e prome minister, kende
semper ta encarga di e structura, lo anuncia na e comunidad cu ta pasa pa e fase di alarma y kico ta spera
a base di tur e conseho di e expertonan cu ta sinta cun'e.
E parti di alerta ta bisa cu tin un alerta, e ora si, tin cu prepara loke ta conseha, tres dia cu bo por sobre
vivi e situacion. No alerta, no kiermen cu tin cu bay den alarma di biaha. Tin e custumber na Aruba cu
ora pa tene cuenta cu tin un mal tempo ta acercando, tur ta bay den alarma, ciendo cu e mester ta den
alerta. Semper alarma, door di e prome minister, ta bay wordo anuncia den un rueda di prensa. Tanten
cu e prome minister no anunci'e, ta den e fase di alerta. Pero tambe riba internet nan ta sigui'e y ta bisa
cu no ta duna informacion. Pero e informacion ta yega na su debido tempo so. Nunca nunca
rampenbureau lo no bay saca un conseho laat. E conseho ta sali na ora atrabes di e prome minister. No
tin ningun Departamento pa alarma Aruba den un caso di alarma, cu ta prome minister.
Temporada di horcan a ranca sali y pronto lo informa con pa
instala e app pa alarma pueblo ora di mal tempo
Friday, 02 June 2017 09:57
Comparti
