Page 8 - AAA_Neat

Temporada di horcan a ranca sali. Tabata tin un conferencia awe. Rino Hermans, hefe suplente di
Rampenbureau, ta splica kico ta e puntonan importante cu kier duna pueblo. E temporada ta keda te cu
dia 30 di November.

Como departamentonan di Gobierno, aña aden, aña afo ta prepara nan plan. Despues di cada
evenemento, manera esun di dia 20 di November, ta adapta nan plan. Nan ta uza tur nan plannan. Ta
train e plannan. Pueblo por ta trankil cu e departamentonan di Gobierno, den un momento cu mester
haya den un situacion fastioso cu mal tempo, nan por responde. Automaticamente den e proceduranan
cu tin cu responde, no ta manera cu el a sosode, nan tey. Tin procedura pa cumpli cun'e. Pero pa e pueblo
ta interesante pa nan tin un plan di famia y pa nan famia sa e plan y mas importante ta cu nos ta un isla.
Si haya nos den un situacion asina, comunidad internacional semper lo brinda asistencia. Pero e ta bay
yega despues di 3 pa 4 dia. Pa bo ta prepara den e periodo di horcan 2017 cu bo cuminda pa bo por
sostene bo mes pa e siguiente tres dianan, te ora cu haya asistencia internacional. Awa pa bo famia, pa
cada uno den cas. Si mester haya alarma cu un sistema ta bay pasa hopi cerca, percura manera
recomenda, e baño ta e parti mas chikito den cas.

E ta bo bunker. Prepara bo bunker, prepara pa ora cu coriente mester bay etc. Mas improtante ta cu ta
bay lansa e app pa smartphone, despues di e experiencia di CaribWave cu a sosode na Maart, a haya un
idea con por alarma nos pueblo. Ta sacando un press release con ta instala e app riba e smartphone y for
di eynan Meteo, polis, salubridad publico, tur por alerta e pueblo via e app aki. Ta trahando ainda riba
nan server di alarma e comunidad en general via email, cu sms.

Rino Hermans di Rampen Bureau: Tur plan ta in place pa e
temporada di horcan

Friday, 02 June 2017 09:54
Comparti

Tur plan ta in place pa loke ta e temporada di horcan aki pa 2017. Rino Hermans, hefe suplente na
Rampenbureau, a splica cu nan structura di maneha crisis na Aruba, ta depende di cuater departamento
cu ta Brandweer, cu ta na encargo, polis, DVG y Sociale Zaken.

Despues nan ta wordo manteni pa DOW en grande, Directie Scheepvaart, WEB y e sector hotelero. E
plan di Aruba ta basa riba cu Aruba keda plat y con ta keda duna servicio pa scapa bida di hende y asina
buildup y recupera di e impacto. Basa riba esey ta bay den tur e fasenan. Brandweer ta in place, polis sa
con pa mantene ordo den un caso asina. Si wak semper tin loothing durante un desaster. Polis nan
manual ta cla. DVG, a pone den e plan cu hospital no ta funcional, pero e ora DVG tin ocho localidad
rond di Aruba pa duna e servicio medico y sociale zaken tin e 17 shelternan cu ta nomina pa nan habri e
shelternan den caso mester habri uno, pa ricibi e damnificadonan den e shelternan. Nan a wordo
entrena. Ta pasa nan constantemente, pasobra tecnologia ta cambia. Modelonan ta cambia y nan ta up to
date. Por bisa cu Hermans ta orguyoso di e departamentonan. Tin tur cos na su luga. Expresion robes Cu
Aruba no ta prepara, ta un expresion robes. Pasobra no ta solamente nos. A haya inspectie di Nacionnan
Uni, di cada un di su departamentonan ta pasa Aruba pa wak con prepara Aruba ta. Nacionnan Uni tin