Page 37 - MIN ARENDS 1ST JUNE 2017

a23
bista politico Diahuebs 1 Juni 2017

Rene Herdé AVP:

E pregunta cu lo persigui MEP pa semper:unda e placa a bay?

ORANJESTAD – MEP a tribi di broma cu nan 8 aña
di gobernacion di 2001-2009. MEP ta yama e periodo di
gobernacion "e miho añanan di gobernacion di MEP y
di Aruba".

E motibo pakico MEP ta bisa cu e añanan aki tabata e miho
añanan di MEP, y di Aruba, ta pasobra na 2008 a yega na un
producto nacional (GDP) halto. Loke MEP no ta conta acerca
ta cu ya pa algun aña economia di Aruba bou di gobiernonan
di MEP, tabata baha y desempleo tabata subi. Na 2009, apenas
un aña despues di e miho aña segun MEP, economia di Aruba
a zink te na -13% (negativo) y desempleo a subi te 11%.

Unda e placa a bay
Pero si ta berdad manera MEP kier pa nos kere cu nan a gober-
na bon y cu 2008 tabata "e miho aña pa Aruba", e pregunta ta
unda tur e placa cu gobierno a haya a bay? Pasobra e midi di
si cos a bay bon, ta cu Pueblo, di un forma of otro mester
a ripara, sinti of wak cu algo a mehora. Pero den e añanan
di gobernacion di MEP, costo di bida a subi cu 24% y sala-
rio y pensioennan a keda mescos of bay atras. Den e añanan
cu MEP ta broma cu tabata bon pa Aruba, MEP a impone e
BBO riba pueblo! Den e añanan ey y for di 2001, MEP a stop
cu e "indexering" y e promocion di trahadonan di gobierno.
Den loke MEP ta yama e miho añanan, esnan cu entrada mas
abou, hende cu tabata haya onderstand, no a wak nan entrada
mehora. Al contrario. E minister di MEP a manda nan traha
presupuesto di nan gastonan miho. Den e añanan 2001-2009
cu MEP a yama e miho añanan di MEP y di Aruba, scolnan a
deteriora te cu fan a cay riba cabes di un juffrouw y mayornan
no por a haya luga na scol pa nan muchanan. Den e añanan
ey cu MEP ta gaba di dje, gobierno di MEP a laga edificionan
di publico bira ruinanan, pa nan por laga huur edificionan di
famia. Den e añanan cu MEP ta bisa cu tabata asina bon pa
Aruba, e fondonan di pensioen a casi bay bancarota y gobierno
no a saca dede pa yuda. Mas cu 20 mil pensionado y nan famia
tabata core e riesgo di keda sin entrada. Den e "miho añanan
di MEP" tabata tin hopi keho riba hospital, pero MEP no a uza
tur e placa cu nan ta bisa cu tabata tin pa traha uno nobo. MEP
a papia di traha un caminda nobo di Playa pa San Nicolas,
pero nan no a hacie. P’esey, ora MEP gaba nan mes, ta pasobra
nan tin co'i sconde. Y awor, ora MEP priminti Bo cosnan den
campaña, corda kico nan a haci...of miho, kico nan no a haci,
e ultimo biaha cu nan a goberna Aruba.