Page 47 - AVP

“E tin cu tuma control riba e situacion cu ta bibando actualmente den enseñansa caminda
e ta dunando e impresion cu e ta bou guia di un grupo externo cu interes propio, cu ta
pone tuma decisionan incomprendibel.”

Discusionan cu a bin dilante den e reunion di dialuna, ta cu e Minister kier “fuseer” dos
scol den enseñansa special, mientras di otro banda e scolnan ta informa cu e situacion
actual no ta permiti esaki.

Tin situacionnan cu mester tene na consideracion manera riesgonan cu ta core pa locual
ta trata seguridad como tambe e riesgonan cu tin riba trankilidad di e muchanan, cual ta
preocupacionnan cu a keda presenta hopi bon p’e docentenan.

Conseho cu Arthur Dowers a duna, ta pa Minister Rudy Lampe para tur plan cu e tin den
e direccion aki, haci un declaracion inmediato di esaki y no warda te aki 2 siman manera
el a pidi n’e docentenan.

Un yamada tambe e ta haci n’e Parlamentarionan cu ta sostene e Gobierno actual, algun
di nan ta maestro di scol y cu a bisa di tin eneñansa na pecho, pa no laga e situacion aki
sigi manera e ta bayendo awor.

Mester bin trankilidad bek den enseñansa, vooral den enseñansa special y trece
trankilidad pa alumno, mayornan y decision mester cay awor.

E Minister a papia di inovacion, algo cu Parlamentario Dowers ta haya ta positivo, y cu a
haya su inicio caba den gobernacion di AVP. Pero henter e proceso di inovacion ta
caminda cu Minister Lampe a faya drasticamente den dje, unda e kier bin presenta un
curiculum nobo.

Un curriculum cu partido AVP a traha riba dje caba den gobernacion anterior, pero cu a
keda para pa 2 aña bou di su responsabilidad.

E no a acerca ningun hende di veld y awor kier bin cu e sorpresa p’e docuentenan di
union di e scolnan.