Page 48 - AVP

“E no a haci su huiswerk, e no a prepara y tin cu zorg awor pa trece trankilidad y para
“fuseering di Sta.Cruz cu Brazil p’asina duna tur hende trankilidad. Esaki sigur ta hopi
escencial p’asina ey nan por haci nan trabou di guia e muchanan na resultadonan positivo
pa pais Aruba.”

Parlamentario mr. drs. Arthur Dowers a menciona tambe cu no ta pornada a separa e dos
scolnan aki for di otro y ta algo cu a pasa bou di su maneho y den AVP su gobernacion.
Saca SPO for di EPB p’asina dun’e su mesun localidad tabata pa trece trankilidad y
harmonia den e tipo di enseñansa caminda cu e situacion actual no ta contribui n’e
harmonia cu mester tin.

Banda di conocemente ta formacion di hende y crea ambiente “safe” sigur pa nan
desaroya nan mes. E Minister aki no ta contribuyendo n’esey na momentonan aki.

Un apelacion ta bay na dje p’e recapacita. Ta kita harmonia y pone gran cantidad di
hende den intrankilidad.

Na final Dowers ta enfatisa e hecho cu aunke e reunion a tuma lugar riba un dialuna, un
sin fin di maestro a presenta p’asina demostra e importancia cu e reunion aki tin pa nan.
Sorprendente pa mira e acogida y sigur e ta refleha con pisa e intrankilidad aki ta biba
cerca nan. Ta pidi pa Minister Lampe recapacita, di bandi partido AVP nan ta manda un
señal cla cu nan ta sostene e docentenan y ta apela n’e Minister pa tuma conseho y para
rapidamente e plannan cu e tin n’e momentonan aki cu a trece tanto intrankilidad den
enseñansa.