Page 42 - MIN ON
P. 42
28 AWEMainta Diaranson, 8 Maart 2017
Un dia di informacion y experiencia
Filomena College MAVO a
tene su exitoso ‘Opendag’ pa e
alumnonan di klas 6 scol basico
UN di e actividadnan cu sigur e team completo ta percura p’e, ta
esun di ‘Opendag’. Esaki ta e momento, unda cu algun docente ta
haya chens di brinda un parti chikito di e lesnan cu e alumnonan
di klas 6 scol basico por spera, si nan scoge pa bin Filomena Col-
lege MAVO.
Durante e “Opendag” un cantidad di alrededor di 200 alumno di
e scolnan basico Catolico Pariba di brug: Santa Filomena, Sagrado
Curason, Santa Teresita, Paulus, Cristo Rey, St. Michael y Santa
Famia, a atende e dia aki.
E alumonan a haya les di: Papiamento, Ingles, N&T, Wiskunde,
Aardrijkskunde, CKV y PV pa 20 minuut y e experiencia tabata
uno hopi agradabel y educativo. E paso di bay un scol secundario,
semper ta keda uno grandi, specialmente cu e sistema di les ta cambia
completamente y tambe e ambiente. Ta un experiencia cu sigur ta
exigi cierto adaptacion di comportacion y Filomena College mavo
ta percura pa yuda cada un di nan mas cu ta posibel.
Mas cu claro Filomena College mavo tin varios tarea mas cu djis
duna les, ya cu ta traha pa forma un ciudadano cu por funciona mas
optimal posibel den nos comunidad, haciendo uzo di su adkisicion
academico y formacion personal.
Filomena College MAVO ta gradici tur e scolnan basico cu a bin
bishita nos rib’e dia aki y alabes ta desea tur e alumnonan di klas 6
hopi exito den e ultimo lunanan cu ta keda di scol y asina nan logra
nan meta pa bay e scol secundario cu mas ta pas cu nan prestacion
cognitivo.
