Page 19 - AWEMAINTA

AWEMainta Diahuebs, 11 Mei 2017 19

Deseo di pueblo ta refleha

den diseño di MFA Santa Cruz

ESEY ta loke arkitecto di e proyecto a splica dialuna
atardi algun momento prome cu a pone e prome pie-
dra di construccion.
Ingeniero Arubiano, Ghisberto Figaroa a diseña y
pinta e bunita edificio cu pueblo di Santa Cruz lo
tin como su propio MFA for di prome trimester di
proximo aña.
E profesional di ATZPro Engineering a duna un de-
scripcion detaye di con e MFA ta hinca den otro y
kico tur a tene cuenta cune.
Trahando den e proyecto aki hunto cu oficina di
MFA for di aña 2012, Figaroa a ricibi e resultadonan
di e consulta haci cu pueblo di Santa Cruz pa loke
nan kier mira den e edificio. Loke a resalta mas den
e deseonan ta un amfiteatro caminda por duna pre-
sentacion na publico y tambe cu e edificio ta carga e
bandera di Aruba.

E prome a keda ubica n’e parti patras di e edificio,
mientras cu e bandera y su colornan ta visibel for di
momento cu yega riba su fachada.
“E mesun amfiteater ta conecta cu un espacio multi-
funcional,” Ghisberto Figaroa a splica describiendo
tambe con e entrada ta acentua cu combinacion di
piedra natural y tambe ‘glas in lood’ den e forma y
color di nos bandera nacional.

E edificio ta ofrece 1.100 m2 di espacio caminda ta
inclui un biblioteca, sala di reunion, oficinanan di
Hulpbestuurskantoor y esun di Manager di MFA mes.
Sea cu trapi of den un lift, por haya aceso n’e di dos
piso caminda ta ubica mas lugar pa sede di AZV,
Impuesto of otro instancia publico of priva.

“E construccion ta uno tradicional cu bloki y vloer,
segun calculacion, ta di 15 centimeter diki pa yuda
carga e edificio n’e mihor manera posibel,” e arkitecto
a splica sinta na mesa hunto cu President di Stichting
Onroerend Goed Aruba (SOGA), Prome Minister
Mike Eman, Minister di Infrastructura Benny Sev-
inger, David Britten di BIC Aruba N.V. y Fernando
Kelly, Manager di MFA Santa Cruz.

E reto mas grandi di e proyecto aki tabata su tereno
ya cu no ta uno plat. Pa medio di diferente tecnica y
tecnologia, a detecta tur e midinan y adapta esakinan
n’e diseño y construccion di e edificio cual su fundeshi
lo ta serca di 4 meter halto.
P’e motibo aki y otro, e arkitecto no ta anticipa nin-
gun problema cu awa.

“Si tur cos wordo traha segun e mapa, e proyecto
lo no tin ningun problema cu awa. E awa lo dirigi
directamente parti pazuid den dos direccion baha
bay den e rooi.”