Page 21 - AWEMAINTA

AWEMainta Diahuebs, 11 Mei 2017 21

Drs. Shailiny (Shai)

Tromp-Lee un biaha mas

lo figura riba lista di MEP

NA aña 2013 drs. Shailiny Tromp-Lee a figura caba riba lista di MEP como
candidato nr 8 y Shailiny a logra haya 574 voto.
Diadomingo ultimo Shailiny Tromp-Lee tabatin su prome fundraising pa cam-
paña 2017. TeamSHAI completo a keda cansa, pero alabes tabata sumamente
contento cu e actividad tabata un exito totaal.
Shailiny ta agradecido y kier a yama danki di curason na un y tur cu a haci e
dia aki uno exitoso. Un recaudacion di fondo cu a sold out tempran y tabata
hopi bon asisti.

Un danki special ta bay na henter TeamSHAI. Tur boluntario y miembronan di
comision, HOT, coleganan di partido y tur esnan cu a contribui y asisti. Shailiny
tabata contento di mira boso tur diadomingo ultimo y di por a combersa un rato
cu boso. Danki di curason.

Dia 26 di februari Shailiny a duna lus na un bunita yiu muher. Asina su famia,
hunto cu Victor Tromp, a amplia cu un yiu mas. Shailiny ta mama di tres yiu:
Tai Vic di 11 aña, Shayna di 9 aña y Eva Marie di 10 siman.
Despues di a cuida e simannan necesario, Shailiny a start sali bishitando cas y
asistiendo na tur actividad.

Di awor pa 22 di september mas cu logico e no lo logra bishita tur cas, pero si
bo ta desea un bishita por tuma libremente contacto na 586-7574 of 592-4438
pa traha un cita. Tambe por contact via WhatsApp, fb of messenger.
Keda pendiente p’e next actividad di TeamSHAI!
Manera Shailiny ta bisa semper: ‘Mi ta cla pa traha pa un mihor Aruba. Pero mi
no por haci’e mi so. Mi mester di bo sosten! Hunto nos por haci e diferencia!’.