Page 55 - HOH

proyecto di construcción y renobación di Hospital ta wordo tuma conhuntamente cu e

e team di experto, cu Hospital a pone disponible pa conseha y aproba decisión di

ubicación di material y decisión di construcción cu ta regarda y tin efecto riba maneho di

Hospital.

Como ehempel di e decisionnan aki por menciona e aprobación di e ubicación di e

boiler di awa cayente den Hospital como tambe e aprobación na hospital pa pone un

Cath Lab pa haci e.o. caterisacion na curazon posibel.

Despues cu e boiler a wordo aproba y instala a drenta kehonan di molester for di algún
departamento di Hospital. Notable ta cu te asina leu cu SOGA ta na altura e Cath Lab cu
ta bisiña di Departamento di Radiologia, su ‘intake’ di aire ta mas cerca di e boiler y
esaki no a

presenta cu kehonan similar.

SOGA a haci investigación y a tuma medida pa cu esaki, como tambe recomenda algún
medida cu Hospital por tuma pa cu esaki. SOGA por confirma cu desde augustus 2018,
SOGA a tuma tur paso cu tabata necesario y na su alcance.

P.e. for di augustus 2018, SOGA a introduci un procedura na unda 3 biaha pa dia ta
controla e área di boiler pa wak si tin cualkier eventualidad of iregularidad,

Na luna di maart 2019, SOGA a ricibi copia di un raport di TNO fecha december 17,

2018. TNO a investiga posibel contaminación pa causa di e boiler. Den su raport TNO ta
conclui cu concentracionnan di e sustancianan den aire ta keda den normanan regular y
acceptable. Esaki ta un confirmacion pa SOGA cu e causa di e kehonan no ta origina
for di e boiler.

SOGA no ta, ni a wordo poni na altura di algún otro investigación of raport cu ta conclui
lo contrario.