Page 58 - HOH

tuma conhuntamente cu e e team di experto, cu Hospital a pone disponible pa conseha y
aproba decision di ubicacion di material y decision di construccion cu ta regarda y tin
efecto riba maneho di Hospital.

Como ehempel di e decisionnan aki por menciona e aprobacion di e ubicacion di e boiler
di awa cayente den Hospital como tambe e aprobacion na hospital pa pone un Cath Lab
pa hasi entre otro caterisacion na curazon posibel. Despues cu e boiler a wordo aproba y
instala a drenta kehonan di molester for di algun departamento di Hospital. Notable ta cu
te asina lew cu SOGA ta na altura e Cath Lab cu ta bisiña di e departamento di
Radiologia, su ‘intake’ di aire ta mas cerca di e boiler y esaki no a presenta cu kehonan
similar. SOGA a hasi investigacion y a tuma medida pa cu esaki como tambe recomenda
algun medida cu Hospital por tuma pa cu esaki. SOGA por confirma cu desde augustus
2018 SOGA a tuma tur paso cu tabata necesario y na su alcance.

Por ehempel desde augustus 2018, SOGA a introduci un procedura na unda 3 biaha pa
dia ta controla e area di boiler pa wak si tin cualkier eventualidad of irregularidad, Na
luna di Maart 2019, SOGA a ricibi copia di un rapport di TNO fecha December 17, 2018.
TNO a investiga posibel contaminacion pa causa di e boiler. Den su rapport TNO ta
conclui cu concentracionnan di e sustancianan den aire ta keda den normanan regular y
acceptable. Esaki ta un confirmacion pa SOGA cu e causa di e kehonan no ta origina for
di e boiler. SOGA no ta, ni a wordo poni na altura di algun otro investigacion of rapport
cu ta conclui lo contrario.

SOGA por informa cu te cu e dia di awe SOGA no a ricibi notificacion di fayo of
malfuncionamiento for di e control diario. Tambe SOGA a pidi Hospital pa duna SOGA
acceso na e areanan unda tin keho asina cu un keho surgi pa asina e team di SOGA por
controla y investiga esaki, pero te na e momentonan aki SOGA no a wordo yama ni a
ricibi acceso na e areanan concerni, ni pa control preventivo ni tampoco na momento di
un posibel keho.

Mirando e seriedad di e asunto aki SOGA independientemente a pidi dos estudio
adicional pa verifica si tin otro motivo pa considera cambio di e ubicacion di e boiler.
Ainda e estudionan aki no a wordo finaliza pa SOGA por presenta esakinan na Hospital.
Mester añadi cu un posibel decision pa cambia e ubicacion di e boiler ta uno grandi, y ta
rekeri un inversion adicional costoso y lo tuma tempo pa prepara y ehecuta. En todo caso
tur partido ta na altura cu segun estudio di TNO e aire den hospital no ta contamina a
pesar di e keho di holor.

SOGA por informa tambe cu como un gesto di bon boluntad y riba peticion di Directiva
di Hospital, SOGA a financia compra di 9 unidad di airco nobo pa e departamento di
Radiologia.