Page 62 - HOH
P. 62
controla y investiga esaki, pero te na e momentonan aki SOGA no a worde yama ni a
ricibi acceso na e areanan concerni, ni pa control preventivo ni tampoco na momento di
un posibel keho.
Mirando e seriedad di e asunto aki SOGA independientemente a pidi dos estudio
adicional pa verifica si tin otro motivo pa considera cambio di e ubicacion di e
boiler. Ainda e estudionan aki no a worde finaliza pa SOGA por presenta esakinan na
Hospital.
Mester añadi cu un posibel decision pa cambia e ubicacion di e boiler ta uno grandi, y ta
rekeri un inversion adicional costoso y lo tuma tempo pa prepara y ehecuta. En todo
caso tur partido ta na altura cu segun estudio di TNO e aire den hospital no ta
contamina a pesar di e keho di holor.
SOGA por informa tambe cu como un gesto di bon boluntad y riba peticion di Directiva
di Hospital, SOGA a financia compra di 9 unidad di airco nobo pa e departamento di
Radiologia.
SOGA ta lamenta cu e problema entre empleadonan y Directiva di Hospital, ta worde
relaciona cu e proyecto di renobacion y expansion di hospital. Specialmente
considerando e esfuerzo y empeño di SOGA pa ehecuta y termina e proyecto aki na un
bon forma y na bienestar di Aruba.
https://www.diario.aw/2019/06/test-a-demostra-cu-aire-den-hospital-no-ta-contamina/
