Page 61 - HOH

expansion na hospital cu ta bao encargo di SOGA. SOGA ta desea di duna mas
informacion encuanto e rol di SOGA y aclarea algun punto den e comunicado aki.

SOGA ta e instancia cu ta ehecuta e proyecto di construccion y expansion di Hospital

mientras Hospital ta e instancia cu ta brinda cuido y maneha Hospital. Decisionnan den
e proyecto di construccion y renovacion di Hospital ta worde tuma conhuntamente cu e
e team di experto, cu Hospital a pone disponible pa conseha y aproba decision di
ubicacion di material y decision di construccion cu ta regarda y tin efecto riba maneho

di Hospital.

Como ehempel di e decisionnan aki por menciona e aprobacion di e ubicacion di e boiler
di awa cayente den Hospital como tambe e aprobacion na hospital pa pone un Cath Lab

pa haci entre otro caterisacion na curazon posibel. Despues cu e boiler a worde aproba
y instala a drenta kehonan di molester for di algun departamento di Hospital.

Notable ta cu te asina lew cu SOGA ta na altura e Cath Lab cu ta bisiña di e

departamento di Radiologia, su ‘intake’ di aire ta mas cerca di e boiler y esaki no a
presenta cu kehonan similar. SOGA a haci investigacion y a tuma medida pa cu esaki
como tambe recomenda algun medida cu Hospital por tuma pa cu esaki. SOGA por
confirma cu desde augustus 2018 SOGA a tuma tur paso cu tabata necesario y na su

alcance.

Por ehempel desde augustus 2018, SOGA a introduci un procedura na unda 3 biaha pa
dia ta controla e area di boiler pa wak si tin cualkier eventualidad of iregularidad, Na

luna di Maart 2019, SOGA a ricibi copia di un rapport di TNO fecha December 17, 2018.
TNO a investiga posibel contaminacion pa causa di e boiler. Den su rapport TNO ta
conclui cu concentracionnan di e substancianan den aire ta keda den normanan regular
y acceptable.

Esaki ta un confirmacion pa SOGA cu e causa di e kehonan no ta origina for di e boiler.
SOGA no ta, ni a worde poni na altura di algun otro investigacion of rapport cu ta
conclui lo contrario.

SOGA por informa cu te cu e dia di awe SOGA no a ricibi notificacion di fayo of
malfuncionamiento for di e control diario. Tambe SOGA a pidi Hospital pa duna SOGA
acceso na e areanan unda tin keho asina cu un keho surgi pa asina e team di SOGA por