Page 56 - HOH
P. 56
SOGA por informa cu te cu e dia di awe SOGA no a ricibi notificación di fayo of
malfuncionamiento for di e control diario.
Tambe SOGA a pidi Hospital pa duna SOGA aceso n’e areanan unda tin keho asina cu
un keho surgi p’asina e team di SOGA por controla y investiga esaki, pero te n’e
momentonan aki SOGA no a wordo yama ni a ricibi aceso n’e areanan concerni, ni pa
control preventivo ni tampoco na momento di un posibel keho.
Mirando e seriedad di e asunto aki SOGA independientemente a pidi dos studio adicional
pa verifica si tin otro motivo pa considera cambio di e ubicación di e boiler.
Ainda e estudionan aki no a wordo finaliza pa SOGA por presenta esakinan na Hospital.
Mester añadi cu un posibel decisión pa cambia e ubicación di e boiler ta uno grandi, y ta
rekeri un inversión adicional costoso y lo tuma tempo pa prepara y ehecuta.
En todo caso tur partido ta na altura cu según estudio di TNO e aire den hospital no ta
contamina apesar di e keho di holor.
SOGA por informa tambe cu como un gesto di bon boluntad y riba petición di Directiva
di Hospital, SOGA a financia compra di 9 unidad di airco nobo p’e Departamento di
Radiologia.
SOGA ta lamenta cu e problema entre empleadonan y Directiva di Hospital, ta wordo
relaciona cu e proyecto di renobacion y expansión di hospital.
Especialmente considerando e esfuerzo y empeño di SOGA pa ehecuta y termina e
proyecto aki na un bon forma y na bienestar di Aruba.
