Page 52 - SJA DEC 14

Diego de Cuba di STA: Loke otro sindicato a palabra cu
gobierno no ta garantia pa trahadornan di Serlimar

Tuesday, 13 December 2016 20:54
Comparti

Segun Diego de Cuba, STA tin su shopstewardnan cu ta haciendo nan trabao. Ya caba mayoria di e
hendenan cu kisas a yena formulario y afilia na SEPPA

y retira for di STA, ta reafiliando nan mes bek na e sindicato STA, pasobra ta nan ta representa e
trahadonan den Serlimar oficialmente. Si SEPPA kier representacion oficialmente, anto miho bay na un
referendum pa wak ken ta ken. Si STA gana e referendum, e ora hala kita pa nan traha y si SEPPA gana e
referendum, STA ta hala kita.

Den e reunion a sali hopi cos na cla cu segun de Cuba, cu no a wordo divulga na e trahadonan tampoco. E
documento cu nan a firma no tabata ningun acuerdo, cual ta contrario cu SEPPA a splica e trahadonan.
Esaki ta un documento cu e ministernan a firma, e beleidsplan di Gobierno. No ta un acuerdo cu a wordo
firma entre sindicato SEPPA y Gobierno di Aruba. No ta corecto pa sinta gaña e empleadonan cu SEPPA
a yega na un acuerdo cu Gobierno. E ta e maneho cu Gobierno ta bay hiba pa Serlimar.
Esaki no tin ningun garantia. E ta un manera con ta bay hiba e maneho. A combersa cu minister, pasobra
STA ta boga pa cera un acuerdo di un garantia y esey lo bay bin cun’e tambe den e proximo reunion,
caminda cu tur dos partido ta firma. No cu e ta keda eenzijdig, caminda cu Gobierno so ta firma y ta bisa
cu asina lo bay haci. Tin cu yega na un acuerdo, como representante di e trahadonan. Si gerencia tambe
mester tey, Gobierno tambe mester tey. E mester bira style di tripartite, caminda cu tur partido ta yega
na un acuerdo pa yega na e direccion ey.

SEPPA tin cu stop di papia coy loco. No bende trahadonan tampoco, pasobra STA ta para cla pa sali na
nan defensa di e trahadonan di Serlimar. Locual cu nan a haci semper tambe y tur hende sa esey.
Lamentablemente nan no por tabata tey presente dia 5, pero nan a bay na Gobierno pa para na defensa
di e trahadonan di Serlimar. STA ta sigura na e trahadonan cu ningun hende lo bay perde nan trabao y
no lo bay ningun trabao cu lo wordo traspasa ni pa Ecotech, ni pa Ecogas. Nada di e cosnan ey lo bay
sosode. Pesey a bay reuni cu minister, pa trece trankilidad bek bao di e miembronan cu ta traha na
Serlimar. Esey ta un punto hopi importante pa trece trankilidad, vooral den e dianan aki cu ta dianan di
fiesta.