Page 55 - SJA DEC 14

Diego de Cuba: Oficialmente STA ta e sindicato oficial cu ta

representa e trahadonan di Serlimar

Tuesday, 13 December 2016 20:54
Comparti

Sindicato STA tabata tin un encuentro cu Gobierno y tabata tin di haber cu un situacion na Serlimar.
Diego de Cuba, presidente di e sindicato a splica cu e reunion a bay den bon ambiente.
Na 2014, dia 18 di Februari, a firma un protocol, hunto cu Richard Fingal (dfm) y mediador di Gobierno,
caminda cu gerencia di Serlimar a bay di acuerdo cu tin mayoria di e empleadonan y ta representa e
empleadonan oficialmente.

Tin di compronde cu dia 5 di December, tabata tin un welga di parti di e empleadonan y riba e dia ey tin

di compronde cu e sindicato SEPPA tabata teynan. E miembronan di STA a pidi pa tey, pero door cu
tabata tin compromisonan cu no por a cancela y door di esey no por tabata tey presente. Esey no a kita
afo cu a manda carta pa minister, solicitando un reunion cu caracter di urgencia, locual cu mester a tuma
luga siman pasa, pero el a pidi pa por schuif e reunion y esey a sosode y a bin cu e process verbaal pa
mustra cu oficialmente STA ta representa e clase trahado na Serlimar.

E reunion a bay den bon esfera. Tin di compronde cu Parkietenbos no lo wordo cera por lo pronto, loke
hopi hende a grita. Esey ta un acuerdo cu minister a trece riba mesa. Si mester bay traha riba un solucion
pa den futuro pa loke ta Parkietenbos cu lo no scapa for di dje. Por lo pronto no lo bay pasa. Parkietenbos
lo bay keda existi. Ta bay tin trabaonan cu tin di bay wordo eherce riba Parkietenbos, cu ta e propio
trahadonan. Despues di her y bijscholing di loke nan tin cu bay haci den futuro, lo bay eherce e
trabaonan ey riba Parkietenbos. Esey ta locual cu STA a bin pa haci un statement y a bisa cu nan no lo
bay core campaña sushi contra ningun sindicato. Si kier bay cu sindicato A of sindicato B, lo keda na
consenshi di cada ken.
STA a bin haci su trabao como representantenan di e trahadonan di Serlimar, locual cu nan ta
oficialmente y no ta kita di esey tampoco. Ta di lamenta masha hopi mes locual cu SEPPA a haci su
durante e manifestacion aki, pasobra a ripara cu locual a wordo haci ta practicamente un propaganda pa
saca miembro for di sindicato STA y hincanan den SEPPA. No ta bay haci un manifestacion y ta bin den e
manifestacion cu formulario pa saca miembornan di STA for di STA y hincanan den SEPPA. Esey ta un
moda masha baho mes di core campaña.