Page 53 - SJA DEC 14

Diego de Cuba di STA: Loke Ecogas kier haci ta gana placa riba cabes di pueblo
13 December, 2016
0

Dump no lo bay pa e compania priva pasobra loke Ecogas kier haci ta gana
placa riba cabes di pueblo segun Diego de Cuba di STA.

Serlimar no ta bay pa e compania priva. Tin di compronde cu e compania priva
aki a inverti hopi miyon den e makinario cu nan tin eynan pa procesa sushi.

Aparte di esaki e mesun compania aki a lanta un otro compania, cual ta Ecogas,
cual nan a firma caba cu Gobierno y cu WEB pa nan subsidia WEB of pasa gas

pa WEB pa WEB por genera e energia pa produci awa cu coriente. Loke ta pasa,
ta e cantidad di gas cu WEB tin mester e compania aki no por bay entrega nan
pasobra pa por procesa e cantidad di sushi cu tin mester pa genera e suficiente

gas eynan, ta un cantidad inmenso. Awor aki no por uza Serlimar, segun de
Cuba. E compania aki, cual ta uno priva, debe Serlimar un monton di placa. Nan

ta laba laba riba 3 miyon ainda cu nan debe Serlimar.
Gobierno no ta bay haci esey y esey minister Mike de Meza a confirma tambe cu

nan no lo haci esey. Nan ta bezig ta buscando un solucion pa nan bin cu un otro
landfill, pero wak con nan por bay procesa e sushinan cu tin eynan. A bisa

Gobierno pa laga terkedad un banda, drecha e mashin eyden, pasobra por lo
menos por verwerk bastante tonelada di sushi cu e mashin ey. Kico ta cosa pa
drecha e mashin, Hala terkedad un banda. Pavia di terkedad, cuanto aña a pasa

y e sushinan no a wordo procesa. Ta pesey tanto sushedad riba dump. Pero tur
hende sa cu dump no por keda den e estado ey.

Diego de Cuba a sigui splica cu e mashin por wordo drecha, pero pa terkedad
no ta dreche. Tin cu dreche, segun de Cuba. Gobierno ta culpabel di e situacion