Page 20 - AAA JAN 18

Marc Oduber di Meteo: La Niña ta haci hopi influencia riba
nos

Tuesday, 17 January 2017 22:03
Comparti

Hefe di Servicio Meteorologico, Marck Oduber, a splica cu den e proximo dianan, e tempo lo
keda humedo y e ora esey ta keda yuda cu por haya algun dia di yobida pasahero, manera ta e
caso di e ultimo dianan.

Tin biaha ta haya suerte of mala suerte, cu tin awasero ta keda pasa riba Aruba. Tin biaha nan
ta keda net rond riba lama. Pero por lo general ta mira den e proximo 3 pa 4 dianan, chens pa
yobida pasahero ta keda vigente y ora awa yobe, e temperatura ta keda fresco pa mainta. Mas
despues e aire por boltia y e chens ta mengua un tiki. Despues di diahuebs pa diabierna, e
chens ta mengua, pero no cu ta descarta. Mester sigui e boletinnan di meteo mas di cerca
pasobra tipo di yobidanan aki, ta gewoon sigui e boletin di cerca pasobra e ta cambia casi
diariamente, den forsa y cantidad.

Segun Oduber, e temporada di awa di Aruba, mita di Februari e ta mengua. Pero door cu tin un
la Niña ainda cu ta influencia nos, ta pone cu e pronostico a termino largo pa awasero ta indica
cu e luna di Januari cual ta normal, cual ta 88 a registra, compara cu e registro normal cu ta 39
milimeter di awa y a anticipa tambe cu Februari lo ta normal den e ultimo 30 aña y Maart. Djey
e ta bira mas normal. E pronostico pa temperatura ta indica cu e temperaturanan tambe lo
keda normal pa un tiki bao di normal, Januari te cu Maart, despues e ta bira mas normal. E tin
di haber cu tin e factor di La Niña. Tin e factor cu tin menos rayo solar cu ta afecta Aruba door
cu tin mas nubia y tin e factor di awasero tambe, segun Oduber.

Mester mas personal

Ora cu tin hopi drukte, cu yobida, etc. Meteo ta logra maneha e situacion. A ripara cu ultimo 3
añanan tempo tabata super seco. Pero door cu temporada di 2016 a boltia y awa a cuminsa
cay, e ora a ripara, tanto Oduber como meteorologo y hunto cu un pensionado trahando
eynan, no ta basta. Mester mas personal di nivel pa bin traha na meteo. A ripara cu tin
actividad sismico rond di Aruba cu mester mas estudio y e ora mester di sismologonan pa bin
traha. Tambe primordialmente mester tecnico. Te ainda no tin un tecnico. Por corda kico a
pasa na 2015, unda cu tur aparato a shut down, caminda cu tabata tin un efecto grandi riba
aeropuerto di Aruba. Por cumpra aparato nobo, pero si no tin tecnico, nan por faya. Meteo tin