Page 22 - AAA JAN 18
P. 22
Marck Oduber di Meteo: Un total di 88.0 milimeter di awa a
cay na Aruba ya caba na comienso di aña
Tuesday, 17 January 2017 21:57
Comparti
Marck Oduber, hefe di Meteo Aruba, a conta di e desaroyonan di awasero y tambe e awa friu.
Kisas esaki tin su efecto pa motibo di tempo.
El a splica cu 2016, segun e resumen climatologico cu a wordo traha, ta indica cu 2016, aunke
basta awa a cay den e ultimo parti di aña, esta di October pa December, a cera e aña cu 9.3%
bao di normal. E ta principalmente cu diferente otro luna di e aña tabata hopi seco, cu a pone
cu toch no a cera e aña ariba normal cu hende a kere. E lunanan mas muha tabata e awa cu a
cay entre October y December, caminda cu November tabata e luna di mas muha. Manera cu
por corda, dia 20 di November basta awa a cay, mas cu e averahe, cual di un luna a cay den un
solo dia. Y e lunanan di mas seco tabata april y Mei cu 0 milimeter di awa. E luna di juni y juli
tambe tabata mas cu e promedio di 30 aña y e luna di September, november y December
tabata mas cu e promedio di 30 aña. October si, cu normalmente ta un luna muhe, tabata mas
abao cu normal. Ora cu coy atrobe pone tur hunto, e ultimo parti di aña tabata riba normal,
pasobra December y November a haya basta awasero.
Pa e parti di temperatura te cu awo ta 26 grado Celsius, compara cu e averahe di 2016, cu
tabata 27.2 grado Celsius y 2015 tabata 27.5.
E averahe mas abao tin di haber cu tin menos rayo solar cu a afecta e isla door cu tin mas
nubia y tambe e nubianan aki tabata tin mas awasero cual a yuda tene e temperatura di e
superficie abao.
Un pregunta por tin tambe ta dicon di golpi di tanto aña di secura, manera 2015 tabata seco y
casi mita di 2016 tabata seco y a cambia pa un periodo di awasero. Ta un factor den Pacifico cu
ta La Niña cu a drenta cu forsa den mita di 2016, pero a bin un tiki mas laat aden. Si tira un
bista riba e pronostico di clima di termino largo pa Aruba, ta indica cu pa e proximo 3 lunanan,
esta januari pa Maart, ta anticipa cu e averahe pa awasero pa e luna, lo ta normal. Despues si
ta bay bira mas normal pasobra e forsa di La Niña ta debilitando, pasobra e no ta uno super
fuerte cu ta laga un efecto atras (lack effect).
Awa friu
