Page 21 - AAA JAN 18

hopi aparato rond di Aruba. No ta djis na aeropuerto.
Situacion ta pone cu ta haya mas yamada, mas demanda, no solamente di comunidad, pero
departamentonan cu kier haci un ke otro actividad. Tin hopi peticion ta drenta, mas seguro
tambe y departamentonan tin cierto dato cu nan kier. Hende kier sa precies ki ora awa ta bay
yobe, of ki ora lama ta bay bira bruto cierto parti di Aruba y pa haci esey mester modulahe di
nivel mas halto specialmente pa e costa di Aruba. Cada meeting ta yudando Oduber, vooral pa
e parti atmosferico pa duna dato. Pero esey nan ta haci'e libremente, pasobra nan ta considera
Aruba un pais chikito pober. Pero mester cuminsa pensa mas leu si cu Aruba mester haci cierto
cosnan. Manera simulacion di lama ta super necesario pa Aruba. Simulacion pa wak ki ora ta
haya flashfloods tambe ta necesario y tin un radar. Cu cambio climatico manera tipo di yobida
cu nos a haya manera dia 20 di November cu ta haya den un dia masha hopi awasero, ta
yobidanan cu ta bay ripiti nan mes. Pesey e desaroyo sostenibel ta haya cu un number 13 mes
ta papia di adapta y mitiga dañonan di clima ta miho sistema di advertencia. Radar ta un factor
super necesario pasobra e por yuda saca avisonan special si tin falta di personal, Oduber a
splica.