Page 14 - AWEMAINTA

14 AWEMainta Dialuna, 24 September 2018

Problema entre dos homber cu un kier a kima e otro

DIABIERNA atardi algo pasa
di 5’or, patruya di Santa Cruz ta
wordo manda cu urgencia riba e
caminda pa bay Natural Bridge
pa motibo cu lo tin un pelea, en-
tre dos homber.
Na yegada nan ta topa cu un
homber bati y tambe ta bin com-
pronde cu e otro homber a benta
gasolin riba esun bati y kier a
cende na candela.
Den e auto cu nan tabata cune
polis a mira un jerrycan grandi
di gasolin.
Polis a tuma tur datos y mesora
a detene e agressor. E agresor a
wordo transporta cu transport-
wagen pa warda di polis.
E motibo pakico e dos homber-
nan aki a bringa no ta conoci,
pero si ta mustra cu ta trata di un
problema hopi serio, cu e agresor
a yega asina leu, cu despues di a
bati’e, a tire cu gasolin y kier a
cende na candela.
E agresor ta deteni y lo mester
bay duna cuenta na autoridad
pakico ela yega asina leu cu e
persona aki.

Dos ilegal sorprendi

Diasabra anochi po-
lis algo prome cu 8:30
polisnan a sigui un
Toyota Yaris. Patras di
Setar den un caya di
tera y deadend e Yaris
a cay den un buraco.
Den e auto tawata tin
cuatro homber.

Momento cu parti di e
auto a cay den e bura-
co, nan a baha y cum-
insa core. Un agente
atento a bay nan tras,
y ta logra gara dos.
Mesora nan a admiti
cu nan no ta legal ari-
ba Aruba.

Dos a logra huy, y e
auto a wordo confis-
ca. Den e caya por a
mira presencia tambe
di personal di Guarda
Nos Costa.