Page 14 - ATA

AHATA ta forma parti pa varios aña na e programa di cero
sangura

Tuesday, 21 March 2017 08:20
Comparti

Vanessa Rasmussen ta Administrative Manager di AHATA y e tabata tey presente durante un
presentacion na Tierra del Sol. Tabata tin entregamento di certificado pa loke ta criadero di sangura. E
hotelnan ta comportando hopi bon pa loke ta esaki. Rasmussen a splica cu pa varios aña, AHATA ta parti
di e programa di cero sangura.

E programa aki ta wordo organisa pa departamento di Salud Publico. Esaki ta duna hopi trankilidad na
tur e propiedadnan cu ta haya e certificacion y dimes ta duna bon informacion tambe na tur esunnan cu
tin sangura ainda riba na propiedad. E informacion cu a wordo duna awe tabata hopi valioso. E ta duna
un ehempel di kico ta pasando na Aruba y e ta un manera di adverti tur hende pa por fabor sea negoshi,
of sea personanan den comunidad, pa ta alerta pa e sanguranan. No ta solamente ta e negoshinan mester
tene esaki na cuenta, pero cada ciudadano mester wak rond di nan cas, wak si tin criadero, papia cu e
bisiñanan, wak si nan tambe sin criadero. Con pa preveni esaki. Por yama e Departamento di salubridad
Publico pa haya ayudo, segun Rasmussen. E ta algo di mas comunicacion entre ciudadanonan y tambe
cooperacion cu e negoshinan. E rol di atende cu turista Ningun hende no tabata kier pa Aruba su nomber
sali riba e lista di PAHO y WHO. ningun hende no kier bin un luga caminda cu e ta aparece riba e lista di
e paisnan cu tin Zika. Segun Vanessa Rasmussen, nan ta reuniendo cu departamento di salud mas
frecuentemente y dimes cu ATA pa asina wak e strategianan cu lo bay pone na su luga. Zika ta inevitabel
rond mundo Zika tey caba. Loke tin cu haci ta e prevencion pa e sigui crece mas riba e isla. E efectonan
Vanessa Rasmussen a splica cu leu leu ta haya preguntanan di turista, vooral esnan cu ta na estado of cu
hopi biaha ta puntra riba e situacion. AHATA tabata tin informacionnan caba preventivo. Nan ta informa
nan cua ta e pasonan cu e hotelnan ta tuma na cuenta pa preveni e situacionnan aki, pero awor aki ta bay
sinta mas frecuente cu departamento di salud publico, mirando e cantidad di casonan confirma di Zika
anuncia awe. Resultado positivo pa hotelnan Rasmussen a splica cu e balor ta hopi grandi, door cu si un
compania ta wordo acerca door di turista y nan ta puntra riba e casonan di sanguranan cu tin na Aruba of
situacion riba nan propiedad, nan por demostra cu nan tin un certificacion unda cu ta indica cu nan ta
mosquito free. Turistanan conciente Awendia rond di mundo e turistanan en general ta hopi conciente di
e problematica di sangura rond mundo, segun Vanessa Rasmussen di AHATA.