Page 12 - BNDIA ARUBA

a12 riba caya
Diabierna 12 aPriL 2019

Hoben riba brommer a dal abou y keda herida

SEROE JANCHI - Diahuebs atardi na Seroe Janchi un
mucha homber riba brommer a dal abou y cu conse-
cuencia parti di e brommer lo a dal su pia abou basta
duro y corta esaki lagando un herida grandi.
Ambulance a keda solicita y polis di trafico tambe a keda dirigi
pa e sitio. Paramedico di ambulance a brinda asistencia na e
victima.

Ceramento di caminda Picaron-Urataca en conexion cu asfaltamento.

ORANJESTAD - Departamento di Obra Publico ta in-
forma pueblo di Aruba en general y specialmente nos
automobilistanan cu ta haci uzo di e caminda Picaron
– Urataca cu mañan diabierna dia 12 di april 2019 te 18
di april 2019 lo bay cer’e parcialmente pa nos cuminsa
cu trabounan preparativo y despues asfalta e caminda.

Trabounan preparativo lo cuminsa diabierna 12 di april 2019
y nos lo asfalta diahuebs dia 18 di april 2019. E caminda cu lo
asfalta ta Picaron nr. 1 te cu Urataca nr. 30c.

Tumando na cuenta cu ta un solo entrada tin y un solo en-
trada, lo no percura pa un ruta alternativa e biaha aki. E orario
di e ceramento di caminda lo ta di 8’or di mainta pa 4’or di
atardi.

En conexion cu e trabounan menciona Departamento di
Obra Publico ta pidi pa tene cuenta cu e inconveniencia cu lo
por surgi pa cual nos ta pidi nos disculpa.

Alerta pa construccion di rotonde na haltura di Alhambra Casino

ORANJESTAD - Entrante
diasabra 13 di april 2019 for
di 9’or di mainta lo bay cera
e crusada di J.E. Irausquin
Boulevard y Caya Punta
Brabo dilanti Alhambra Ca-
sino pa construccion di un
rotonde.

Trafico lo wordo desvia via Caya
Dr. J.E.M. Arends. Trafico den
direccion Noord y Zuid lo por
sigui ariba J.E. Irausquin Blvd
den ambos direccion pa medio
di rotonde provisional.

Trabounan lo tin un duracion
di 2 luna. DOW y Mota-Engil
Aruba ta pidi pueblo di Aruba y
tur automobilista pa tene cuen-
ta cu e desviacion ariba e ruta
menciona.