Page 10 - AWEMAINTA
P. 10
10 AWEMainta Diabierna, 8 Maart 2019
Polis ta intercepta chofer cu tabata
sigui un dama, y ta detene e chofer,
kende cu a duna Polis un fake i.d
DIARANZON anochi un dama na stuur di su auto a
constata un auto su tras. No ta nada straño si riba ca-
minda tin un auto bo ta tras. Pero, ta bira sospechoso
ora cu 1 auto ta keda core bo tras tur caminda cu bo
bay. Esaki a pone cu e dama a avisa Polis.
Mesora patruyanan a bay unda e auto di e dama tabata
bayendo y manera e dama a mira Polis, el a duna nan señal.
Patruya mesora a intercepta e vehiculo patras di esun
di e dama. E auto tabata un Nissan Almera station-
wagon.
Esaki a pasa na altura di un Highrise Hotel. Dilanti
RIU Polis ta para e auto. Strand-Politie a cuminsa at-
ende cu e chofer, kende no tabatin rijbewijs y a saca
un I.D fake duna nan.
Agentenan di Strand-Politie a bay over na detene e
homber aki, kende tabata actua basta sospechoso.
Nan a sali direccion post di Strand Politie cune. Dor
di preguntanan haci, e detencion a coy un otro rumbo.
Polis a notifica Atraco Team, debi cu segun loke nan
mes posiblemente a logra saca afo ta cu e homber aki
sea ya a yega di comete atraco, of ta planea pa bay
comete un.
Pues e loke a dama a haci di bati alarma tabatin su
fruta, pasobra kizas e dama tabata su target.
A pidi pa BFTO (Departamento Tecnico di Polis) pa
bin unda e auto ta pa tuma algun foto y vingerprints.
Durante cu a listra den e auto a bin haya un hand-
boei, esaki tambe a wordo confisca. Despues di a
keda cune basta largo na oficina di Strand-Polite, el
a wordo busca pa transportwagen cu a hibe Warda di
Shaba, unda durante dia interogacionnan a cuminsa.
