Page 47 - MIN VOS

Bright Bakery cu actividad saludabel pa su empleadonan

Friday, 02 June 2017 10:17
Comparti

Bright Bakery a dicidi di bin cu un programa. Segun Sulienne Croes-Bareño, kende ta marketing
manager di Bright Bakery, a splica cu tur aña ta organisa actividadnan diferente cu e empleadonan.

Sea bay hunga bowling, bay family day na Palm Island. Fiesta di Carnaval, etc. y e aña aki a dicidi di haci
algo diferente. Tur actividad cu nan ta haci ta hopi di haber cu group teamwork. Esta un ta yuda otro pa
asina nan custuma pa haci cosnan hunto. Tin diferente departamento den Bright Bakery y tin ta traha
marduga, tin ta traha anochi, dus nan no ta topa otro den dia. E aña aki a dicidi di bin cu algo a base di
nan salud. Tur aña ta haci algo cu tin comemento, ta dal drinks, pasa un dushi tempo, pero e biaha aki ta
bay enfoca riba e salud di e empleadonan. Awe nan tabata tin un charla cu Gregory Milliard, kende ta a
splica riba training cu e empleadonan por bay haci. Ta bay tin un nutricionista kende ta bay splica cierto
cosnan di come saludabel, incluyendo pan y cierto cosnan di e productonan cu tin.

Tambe Laboratorio Familiar, cu danki na nan a traha hunto cu e team, pa por duna un charla riba cierto
cosnan di salud y tambe ta bay haci test, esta saca sanger, check sucu, colesterol, presion, etc. Hunto cu
laboratorio familiar y Gregory MIlliard ta bay haci toch algo inspiracional y algo leuk. Na e mesun
momento ta bay haci ehercisio hunto, hopi cos diferente enfocando riba nan salud, pa tur e empleadonan
por move un tiki mas, tur por haci cosnan hunto y toch focus riba salud. Team di empleado sano Pa e
compania ta hopi importante. E compania ta draai henter dia. Panaderonan ta drenta marduga, e
trahadonan ta traha te anochi. Ta bon pa tin un grupo saludabel cu hopi energia, cu tin gana di traha y
tin e energia di lanta mainta, mirando cu e trabao den panaderia no ta uno facil. Tin biaha nan ta traha
dilanti forno, pasteleronan tin oranan largo riba pia. Banda di esaki ora nan ta traha, toch kier yuda nan
un tiki cu nan salud y tambe pa tene nan ocupa y un ta empuha otro.