Page 51 - MIN VOS

Diasabra ta doubleheader y dialuna RCA "Welcome Back
Snack" den gran final vs Estrella U20

Friday, 02 June 2017 10:02
Comparti

un ves mas e organisashon Tricolor di Solito ta organisashon na Aruba cu mas exito durante e
temporada. Dialuna awo pa 8or den CDGPT, RCA su ekipo di junioren patrocina pa "Welcome Back
Snack" lo enfrente e naranhada hubenil di St Cruz den e ultimo wega y gran final.

E promer encuentro RCA a vence 4-1 di dos encuentro Estrella a gana 1-0. Dialuna awo "Young Soldiers"
di Solito lo ta por la goma pa trece otro Copa mas Cas. Den e otro divishonnan hubenil tambe e secshon
di U17 a clasifica pa playoff como #1 faltando ainda un wega di campeonato regular. Divishon U15 tambe
tawatin un anja solido y ta fuerte den play off. Pa locual ta secshon Infantil; U-5 RCA uno a termina nr 1 y
RCA dos a caba nr 4 ambos den playoff. U7 liga oro RCA uno a sali nr 1 y U7 liga plata RCA dos a sali nr
3. U11 liga plata RCA uno a sali nr 1. U13 liga oro RCA uno a sali nr 1 y U13 liga plata RCA a sali nr 4.

Pa locual ta divishon Dames ekipo di Solito tin 3 punto den dos encuentro y diasabra awor pa 6or den
CDGPT lo hunga nan di tres wega di playoff vs Estudiantes y lo ta e "pre-game" di e posibel ultimo "Gran
Clasico" pa temporada RCA "Big Wheel Lottery powered by Powerade" vs Dakota pa 8or. Diasabra e
ambiente lo start trempan y pa es motibo RED WHITE BLUE NATION ta invita for di 6or te 10 or di
anochi pa disfruta di e double header Tricolor. #RCApaBida