Page 52 - MIN VOS

Fundacionnan cu ta yuda cacho y pushi ta haya sosten
financiero parcial di Bucuti & Tara Beach Resort

Friday, 02 June 2017 10:06
Comparti

E proyecto di sterilisacion ta bay tin etapa nobo. Tissa Lasorte kende ta director di Sales & Marketing &
Administration di Bucuti & Tara Beach Resort, ta conta un tiki di e historia riba dje y unda mas kier
hib'e, despues di su exito.

El a comenta cu a cuminsa na December di 2015. E idea semper ta pa soluciona e problema di demasiado
cacho y pushi riba caya, cu sterilisacion. Loke ta haciendo ta, cu ta yuda financia e operacionnan di
sterilisacion. E prome aña a yuda cu hendenan cu ta doño di cacho y pushi. Tambe por uza e programa
aki cu ta yuda financia e operacion. Esey ta e unico solucion cu tin. E siguiente etapa cu a cuminsa na
Februari 2017, ta cu nan ta apoya e fundacionnan cu ta yuda tur e cacho y pushinan riba caya. E
hendenan cu awo ta haya subsidio di e programa "Stimami Sterilisami", pa por sigui cu e solucion cu tin.
Loke ta pasa ta cu ta sinti cu no tin mester di inventa un solucion nobo pa soluciona e problema aki cu tin
na Aruba. E solucionnan tey. Tin ley di cacho, cu hendenan mester sigui y tin e programa di sterilisacion
"Stimami Sterilisami" cu ta yuda e cantidad di fundacionnan cu tin caba na Aruba, cu ta yuda cu tur e
cacho y pushinan riba caya, financia nan pa nan placa por yega mas leu. Loke nan mester ta mas placa y
voluntario. Loke no tin mester di mas fundacion. E solucionnan tey pero mester sigui apoya e
solucionnan aki pa enberdad yega na un solucion final pa Aruba. Ya nan a yuda sterilisa 4500 cacho y
pushi caba. Esey ta hopi. Ya a haci un diferencia caba, pasobra nan ta multiplica hopi lihe, loke hende no
ta realisa. Pero ta sigui. Loke a pasa ta cu un 500 mil florin a wordo inverti den e programa. Esey ta di e
hotel mes cu ta 300 mil y di Aruba tourism Authority, 100 mil florin y di Tourism Product Enhancement
Fund 100 mil florin. E hotel ta keda pone un 100 mil florin e aña aki.

Ta spera di haya mas inversion di otro compania, di otro organisacion. Por ta ainda di Gobierno pa por
sigui cu e solucion e aña aki tambe. E cantidad di bestia Segun Tissa Lasorte, ora cu e programa a
cuminsa, tabata tin un proceso di registracion. Esnan cu tabata interesa pa uza e programa a registra y
nan a haya un number di registracion, unda cu nan por a bay na cualkier veterinario cu a participa den e
programa, pa nan haci un operacion pa nan cacho of pushi. Manera cu e programa ta sigui cu e inversion,
ta cu e fundacionnan por haci esey. E fundacionnan cu tin na Aruba oficial cu ta yudando tur e cacho y
pushinan, por continua di registra y nan ta yama un number cu nan por uza na e veterinario. A cubri un
parti di dje Bucuti no ta cubri full e gasto di operacion. Loke nan ta haci ta cubri mita di e gasto di
operacion. Loke e ta haci ta cu e budget di e fundacion por yega mas leu. Cu e placa cu nan tin, nan por
haci dobel di loke nan por a haci si no tabata yuda nan. Pero esey kiermen cu nan tambe tin cu continua
den haya mas fondo pa nan por sigui nan trabao. Registracion No ta tur persona cu a registra no a
presenta pa haci e operacion. Pero den e etapa nobo cu a cuminsa na Februari, loke ta haci ta cu tur
hende cu a registracion, cu ta menos di 6 luna bieu, ta continua den financia e operacionnan. No ta
pasobra cu a bay drenta un etapa nobo, a stop cu e personanan cu a registra caba. Pero e registracion
mester ta menos cu 6 luna bieu pa e ta valido ainda.