Page 81 - KPA

A rescata 8 turista Venezolano cu tabata 10 dia naufrago E
embarcacion a sali for di Aruba destino La Guajira. A reporta

fayanan mecanico

Monday, 29 May 2017 20:43
Comparti

Un embarcacion cu a sali for di Barcadera, cu destino Puerto Nuevo na La Guajira cu 8 turista
Venezolano, a wordo ubica pa kustwacht di e Armada Nacional despues di a ricibi un reporte di
emergencia for di Corsou.

E embarcacion a naufraga tras di “sufri un problema den e sistema di propulsion di e boto cu e nomber
“Maria Esther”, e capitan di e embarcacion, Camilo Gutierrez Olano, a bisa, kende ta comandante di
Guardacostas del Caribe.

E embarcacion a sali for di Aruba dia 19 di Mei y dia 21 di e mesun luna, mester a raporta su paso na
Corsou, situacion cu no a sosode, loke a alerta autoridadnan. E Armada Nacional a cuminsa cu e buskeda
di e boto.

“Diabierna (dia 26 di Mei) anochi, e stacion di Guardacosta di Cartagena a ricibi informacion cu un barco
a scucha e alerta di “Maria Esther” y a proporciona algun coordenada aproxima, di loke a pidi apoyo na
un avion di Forsa Aereo di Colombia, cu a ubica e embarcacion mas of menos un 200 miya nautico di e
liña di costa y a entrega e coordenadanan exacto na e Armada Nacional,” capitan Gutierrez a bisa.

Desde e base di Forsa Naval di Caribe a pidi apoyo na un barco mercante di nomber Limari, cu tabata
cerca di e embarcacion den emergencia, cual tripulacion a percura di proporciona awa y cuminda.

A manda e barco ARC 7 de Agosto na e luga, pa rescata e tripulacion kendenan a ricibi prome auxilio pa
alivia e kemadura y deshidratacion cu nan a sufri durante e 10 dianan cu nan a naufraga y a wordo hiba
Cartagena, unda cu nan a wordo atendi pa un grupo di dokter.