Page 85 - KPA

Atraco arma dialuna anochi riba Joy Supermarket den
Edisonstraat

Monday, 29 May 2017 22:55
Comparti

Dialuna anochi algo prome cu 10or a sosode un atraco riba e supermercado Chines Joy den Edisonstraat.
Polis a wordo manda cu urgencia y na yegada a tende cu tin un dama chines herida.

Nan a dale cu algo fuerte den cabez. Ta trata di tres atracador color bruin. Un di nan ta calcula na 1.70
meter cu jeans largo pechi preto. E otro ta camisa blanco cu preto hoki hoki y cu arma di candela y pechi
cora. Tambe un di tres tabata tin un camisa of jacket manga largo y pechi cu strea. Tur tres tabata tin
jeans bisti.Ambulance a wordo avisa pa e chines herida. Atraco Team a wordo avisa tambe. Segun testigo
nan a huy den un auto i10 color di oro. Despues nan a coy direccion pabou banda di Ponton y hera dal
den auto. A dirigi algun patruya direccion di Bushiri pa mira si por topa cu e auto. Mas despues a drenta
informacion tambe cu tin un hende cu a sigui e auto. Ta sospecha cu e atracadornan a cambia auto. Un
hende cu a mira un auto coriendo sospechoso a sigui nan tras y cada biaha tabata purba desvia y hisa
velocidad. Varios unidad a cuminsa bay unda a señala e auto e momento ey den Tanki Leendert. Djey a
bay direccion Calabas cu Jaburibari. Tabata sospecha cu e atracadornan tabata den e auto ey. Nan a
ripara cu ta sigui nan y asina nan a para banda di e poz of molina di awa. Djey a mesun auto sospecha di
e atracadornan a sali duro direccion Kudawecha. Eynan a perdenan for di bista pero Polis a logra pare
finalmente banda di Montaña cu Kudawecha. A resulta cu e auto aki no tabata tin atracador den dje pero
full otro hende. E investigacion mes a continua na Joy Supermarket unda Cuerpo Tecnico a presenta pa
asina ta parti di e investigacion hunto cu Atraco Team.