Page 20 - AVP
P. 20
BUCHI WERNET: NO A
CONSTRUI NADA PAFO DI
TERENO DI KIOSKO
11 September, 2019, 12:00 pm
Diaranson mainta cos por poco a bay for di man ora cu personal di Departamento di
DOW a bay pa kita algun material agrega na un construccion di un kiosko na Eagle
Beach.
E kiosko ta di e ciudadano Buchi Wernet, kendenan a construi algun adicional na e
kiosko pa brinda un poco di siguridad. Den cuadro di esaki a manda diferente carta pa
Minister y DIP pero nunca nan a ricibi contesta.
Henter e problema ta cu e propietarionan a pone “rolluik”, cu ta cay den nan tereno, esta
na e punta di dak p’asina protege e kiosko, den cual nan ta laga hopi material. Den e area
ey tin hopi persona ta move den oranan di madruga y no tin control riba esaki.
Nan ta sinti cu esaki ta un persecucion y alabes cu e Minister kier e kiosko pa Koeman,
segun e señora di Buchi Wernet a declara. Diferente biaha caba nan a wordo acerca door
di hendenan di e comerciante Koeman, kende a pidi pa bende nan e luga. Pero, el a
splica, e no por bende pasobra e luga no ta di dje pero di Gobierno.Y cu nan ta huur esaki
te cu aña 2022. Nan ta sinti miedo pa e presion cu ta wordo poni riba nan di e forma aki.
